18.08.2026 | 14:48
Բաշար Ասադի զարմիկին Սիրիայում մահապատժի են դատապարտել՝ սպանությունների և խոշտանգումների համար
Մարտական գործողությունների ժամանակ նահատակվածների եղբայրներն ու որդիները կազատվեն պարտադիր զինծառայությունից․ նախագիծ. ՏԵՍԱՆՅՈՒԹ
Քաղաքականություն
04.03.2022 | 11:20
«Քաղաքացիական պամանագիր» խմբակցության պատգամավոր Հայկ Սարգսյանն առաջարկում է պարտադիր զինվորական ծառայությունից ազատել պատերազմի ժամանակ զոհված զինծառայողների եղբայրներին և որդիներին:
«Այն զորակոչիները, որոնք ունեն պատերազմի ժամանակ զոհված հայր, մայր, քույր կամ եղբայր, հնարավորություն կունենան ազատվել պարտադիր զինվորական ծառայությունից: Գործող կարգավորումներով՝ զինծառայությունից ազատվելու պարտադիր պայման է նաև ընտանիքի միակ արու զավակ լինելը: Ունենք հայ-ադրբեջանական քառօրյա և 44-օրյա պատերազմների հետևանքով զոհված զինծառայողների կրտսեր եղբայրներ, ովքեր ենթակա են պարտադիր զինվորական ծառայության, քանի որ ընտանիքի միակ արու զավակը չեն: Նրանցից շատերի ծնողները գտնվում են ծանր հոգեբանական և սոցիալական վիճակում և չեն ցանկանում իրենց կրտսեր որդիներին նույնպես ուղարկել պարտադիր զինվորական ծառայության»,-ԱԺ-ում նախագիծը ներկայացնելիս նշեց Հայկ Սարգսյանը:
Նրա խոսքով՝ արտոնությունից հրաժարվողները կարող են անցնել պայմանագրային զինվորական ծառայության:
Մանրամասները՝ տեսանյութում:
