23.04.2026 | 23:33
Մահացել է Արցախի հերոս Ռոբերտ Աբաջյանի մայրը
Զապորոժիեի ԱԷԿ-ում գնդակոծությունից հետո բռնկված հրդեհը տեղայնացվել է
Քաղաքականություն
04.03.2022 | 10:30
Ուկրաինայի արտակարգ իրավիճակների պետական ծառայությունը հայտնում է, որ Զապորոժիեի ԱԷԿ-ում բռնկված հրդեհը տեղայնացվել է, հրդեհի տարածքը կազմել է 2000 քմ։ Նախնական տվյալներով զոհեր և վիրավորներ չկան, գրում է Նաստոյաշչայա վրեմյան։
Տեղեկացվում է, որ Զապորոժիեի ԱԷԿ-ում ճառագայթային ֆոնի փոփոխություն ներկայումս չի գրանցվել, ԱԷԿ-ի հիմնական սարքավորումներն ու էներգաբլոկները մնում են անձեռնմխելի:
Մարտի 3-ի, լույս 4-ի գիշերը, ըստ Ուկրաինայի իշխանությունների, ռուսական զորքերը գնդակոծել են Զապորոժիեի ատոմակայանը։ Հարձակումների հետևանքով հրդեհ է բռնկվել էներգաբլոկներից մեկի մոտ և ուսումնական շենքում։ Ուկրաինայի արտակարգ իրավիճակների ծառայությունը հայտնել է միասնական էներգահամակարգից երրորդ էներգաբլոկի անջատման մասին։
Հիշեցնենք, որ Factor.am-ի հետ զրույցում Ստոկհոլմի Արևելյան Եվրոպայի ուսումնասիրությունների կենտրոնի գերմանացի վերլուծաբան Անդրեաս Ումլանդն ասել էր․ «Մարտեր են ընթանում եվրոպական տարածաշրջանի ամենամեծ ատոմակայանի շուրջ, եթե այստեղ ինչ-որ բան պատահի, արդեն ոչ մեկին սոլիդարություն պետք չի լինի»։
Տաթև Ֆռանգյան
