18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Yandex-ի ու «Տինկոֆֆ» բանկի հիմնադիրները դադարել են դոլարային միլիարդատեր լինելուց
Քաղաքականություն
03.03.2022 | 18:41
Yandex-ի համահիմնադիր և գործադիր տնօրեն Արկադի Վոլոժն այլևս դոլարային միլիարդատեր չէ։ Forbes-ը նրա ներկայիս կարողությունը գնահատում է 580 միլիոն դոլար։ Forbes-ի վերջին վարկանիշում, որը հրապարակվել է անցյալ տարվա գարնանը, Վոլոժի կարողությունը գնահատվել է 2,3 միլիարդ դոլար, իսկ գագաթնակետին՝ 2,6 միլիարդ դոլար, գրում է ամերիկյան Forbes-ը։
Վերջին երեք ամսվա ընթացքում Վոլոժի կարողությունը նվազել է 2 միլիարդ դոլարով: Միայն փետրվարի 24-ին, այն օրը, երբ Վլադիմիր Պուտինը հայտարարեց «ռազմական գործողության» մասին Ուկրաինայում, միլիարդատիրոջ կապիտալը նվազել է 400 միլիոն դոլարով:
Yandex-ի բաժնետոմսերը «ռազմական գործողության» առաջին օրը փլուզվեցին Nasdaq-ում գրեթե 59%-ով: Փետրվարի 25-ից հետո ԱՄՆ ֆոնդային բորսան դադարեցրել է ռուսական բաժնետոմսերի առևտուրը։
«Տինկոֆֆ» բանկի հիմնադիր Օլեգ Տինկովը նույնպես դադարել է դոլարային միլիարդատեր լինելուց այն բանից հետո, երբ Լոնդոնում TCS Group-ի արժեթղթերը «ռազմական գործողության» մեկնարկից հետո ընկել են 90%-ով։ Մարտի 1-ի երեկոյան Forbes-ը Տինկովի կարողությունը գնահատել է 820 միլիոն դոլար, ինչը 5,5 անգամ պակաս է Forbes 2021-ի վերջին վարկանիշային աղյուսակի գնահատականից (4,7 միլիարդ դոլար):
Տաթև Ֆռանգյան
