15.12.2025 | 19:37
Միքայել արքեպիսկոպոսի գործով նիստը մեկնարկեց վերաքննիչում
Ուկրաինայում հայ խաղաղ բնակիչ է զոհվել
Քաղաքականություն
03.03.2022 | 16:46
Այսօր հայտնի է դարձել Ուկրաինայի հայ համայնքի շրջանում առաջին զոհի մասին: Այս մասին Factor.am-ին հայտնեց Սփյուռքի գործերի գլխավոր հանձնակատարի գրասենյակի մամուլի պատասխանատու Ամալյա Կարապետյանը՝ հավելելով, որ ինֆորմացիան իրենց փոխանցել է Կիևի հայ համայնքի ղեկավար Նորիկ Գևորգյանը։
Դեպքը, ըստ Կիևի հայ համայնքի ղեկավարի, տեղի է ունեցել Խերսոն քաղաքում։ Սփյուռքի գործերի գլխավոր հանձնակատարի գրասենյակում որևէ այլ ինֆորմացիայի չէին տիրապետում․ «Մենք անընդհատ կապի մեջ ենք համայնքների հետ և պարբերաբար տարբեր տեղեկատվություններ ենք ստանում։ Սփյուռքի գործերի գլխավոր հանձնակատարի գրասենյակը տեղում ներկայացչություն չունի»,- ասաց Ամալյա Կարապետյանը։
Հիշեցնենք՝ Խերսոն քաղաքում իրավիճակի վերաբերյալ հակասական տեղեկություններ են տարածվում․ ռուսական պաշտոնական աղբյուրնեը պնդում են, որ քաղաքն անցել է իրենց վերահսկողության տակ։
Արփի Հակոբյան
