Գերմանիայի և Իսրայելի կառավարությունների ղեկավարները կոչ են անում ռուս-ուկրաինական հակամարտությունը կարգավորել բանակցությունների միջոցով

Գերմանիայի կանցլեր Օլաֆ Շոլցը, ով այցով գտնվում է Իսրայելում, չորեքշաբթի Երուսաղեմում հայտարարել է, որ Ռուսաստանի և Ուկրաինայի միջև հակամարտությունը պետք է լուծվի բանակցությունների միջոցով։

Իսրայելի վարչապետ Նաֆթալի Բենեթը նույնպես կոչ է արել Ռուսաստանին և Ուկրաինային բանակցությունների միջոցով դադարեցնել հակամարտությունը, գրում է «Սինհուա» գործակալությունը։

Նույն օրը Բեննեթի հետ համատեղ ասուլիսում Շոլցն ասել է, որ ռուս-ուկրաինական հակամարտության շարունակությունը կհանգեցնի ենթակառուցվածքների էլ ավելի մեծ վնասների և քաղաքացիական ու զինվորականների շարքում զոհերի թվի ավելացմանը։ Ըստ նրա՝ հակամարտությունը պետք է լուծվի բանակցությունների միջոցով։ Նա նաև հայտարարել է, որ Գերմանիան ռազմական ճանապարհով չի միջամտի ռուս-ուկրաինական հակամարտությանը։

Խոսելով Իրանի միջուկային ծրագրի շուրջ Գործողությունների համատեղ համապարփակ ծրագրին /JCPOA/ մասնակցող կողմերի միջև Վիեննայում ընթացող բանակցությունների մասին՝ Շոլցը հույս է հայտնել, որ կողմերը հնարավորինս շուտ համաձայնության կգան, և որ «արդեն որոշում կայացնելու ժամանակն», և այն չպետք է հետաձգվի։

Իր հերթին Բեննեթը ևս հայտարարել է, որ Ռուսաստանն ու Ուկրաինան պետք է վերջ դնեն հակամարտությանն ու այն ավարտեն բանակցությունների միջոցով։ Նա նաև նշել է, որ Իսրայելն «ուշադրությամբ հետևում է» JCPOA կողմերի միջև բանակցությունների ընթացքին ։

Տաթև Ֆռանգյան