05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
Լավրովի պնդմամբ՝ ՆԱՏՕ-ն և Ուկրաինան ծրագրում են միջուկային պատերազմ սկսել Ռուսաստանի դեմ
Քաղաքականություն
03.03.2022 | 15:59
Ռուսաստանի արտգործնախարար Սերգեյ Լավրովը հայտարարել է, թե ՆԱՏՕ-ն և Ուկրաինան ծրագրում են միջուկային պատերազմ սկսել ընդդեմ Ռուսաստանի։ Այս մասին նա ասել է ռուսական ու արտասահմանյան լրատվամիջոցներին այսօր տված հարցազրույցի ժամանակ, գրում է Գազետան։
Դիվանագետն ընդգծել է, որ Ռուսաստանի Դաշնության կողմից միջուկային զենքի կիրառման պայմանները ամրագրված են ռազմական դոկտրինում։ Ըստ Լավրովի՝ Մոսկվան չի դիմում էսկալացիայի՝ հանուն դեէսկալացիայի։
Նա լրագրողներին կոչ է արել ուշադրություն դարձնել այդ մասին խոսող քաղաքական գործիչներին՝ ՆԱՏՕ-ի գլխավոր քարտուղար Յենս Ստոլտենբերգին և Ուկրաինայի նախագահ Վլադիմիր Զելենսկուն։
Հիշեցնենք, որ նախօրեին Լավրովը, մեկնաբանեով ԱՄՆ նախագահ Ջո Բայդենի հայտարարություններն Ռուսաստանի պատժամիջոցների մաՍԻՆ, հայտարարել էր, որ երրորդ համաշխարհային պատերազմը կարող է լինել միայն միջուկային։
Տաթև Ֆռանգյան
