16.12.2025 | 21:33
Մաշտոցը կլինի թղթի վրա, իսկ հեռախոսները՝ միայն դասի համար. Ժաննա Անդրեասյանի արձագանքը՝ քննադատություններին
Եթե Փաշինյանի ասած «թալանչի» բառն ինձ էր վերաբերում, ապա դատարանում այդ հարցը կպարզենք. Վահե Հակոբյան. ՏԵՍԱՆՅՈՒԹ
Քաղաքականություն
03.03.2022 | 13:30
«Երեկ Նիկոլ Փաշինյանի կողմից տեղի ունեցավ հերթական էլեմենտար մանիպուլյացիոն քայլը,- ԱԺ-ում լրագրողների հետ զրույցում հայտարարեց «Հայաստան» խմբակցության պատգամավոր Վահե Հակոբյանը:
Ինչ վերաբերում է ՊԵԿ հայտարարությանը, որ «Զանգեզուրի պղնձամոլիբդենային կոմբինատ» ՓԲԸ նախկին գործադիր մարմնի ղեկավարի անձնական միջոցներից վճարվել է 15 մլրդ դրամ հարկային պարտավորություն, Վահե Հակոբյանը հարց բարձրացրեց, թե ինչու ՊԵԿ-ը չի հրապարակել անունը։
«Նիկոլ Փաշինյանը երեկ ասում էր՝ գլուխները կախ բերել են, մուծել են և այլն։ Հարց՝ ո՞վ է բերել, մուծել, ո՞ւմ գլուխն է եղել կախ, ինչի՞ հետևանքով է բերել, մուծել, ի՞նչ թալանի մասին է խոսքը, ո՞ւմ է դա առհասարակ վերաբերվում։ Համոզված եմ, որ ՊԵԿ-ը հատուկ որևէ անուն չի հրապարակել, ինչով հնարավորություն է տվել Նիկոլ Փաշինյանին այս թեման բարձրացնել պոպուլիստական մակարդակի և իր հերթական ամպագոռգոռ հայտարարություններն անել»,- ասաց Վահե Հակոբյանը։
Նա նաև հավելեց, որ հարց է ուղղելու Փաշինյանին, թե ո՞ւմ նկատի ուներ երեկ ԱԺ-ում «թալանչի» ասելով։ «Եթե ինձ էր վերաբերում, մենք մեր հարաբերություններն արդեն կպարզենք դատարանում… Ինքը, ինչպես միշտ, խոսեց վերացական»,- ասաց ընդդիմադիր պատգամավորը՝ հավելելով, որ ինքը օգոստոսի 2-ից որևէ առնչություն չունի «Զանգեզուրի պղնձամոլիբդենային կոմբինատ» ՓԲԸ-ի հետ։
«Ինչ վերաբերում է ինձ վերագրվող փայամասին, արդեն հոգնել եմ ասել՝ երբևէ չեմ ունեցել որևէ փայամաս այդ հիմնարկում։ Մինչև 2016 թվականն աշխատել եմ գլխավոր տնօրենի առաջին տեղակալ, 2019 թվականից խորհրդի անդամ։ Սրանք տարբեր ինստիտուտներ են՝ խորհուրդ, բաժնետեր, գործադիր մարմին»,- ասաց Հակոբյանը:
Մանրամասները՝ տեսանյութում:
