16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՌԴ-ն առաջին անգամ կորուստների մասին պաշտոնական տվյալներ է հրապարակել
Քաղաքականություն
03.03.2022 | 12:41
Ռուսաստանի պաշտպանության նախարարությունը Ուկրաինայի տարածք ռազմական ներխուժման սկզբից ի վեր առաջին անգամ հրապարակել է ռազմական անձնակազմի կորուստների մասին տվյալներ։ Ըստ այդմ, զոհվել է 498 մարդ, վիրավորվել՝ 1597-ը, գրում է VOA-ն։
Ուկրաինայի պաշտպանության նախարարության տեղեկություններով ռուսական կողմի կորուստներն ավելի մեծ են՝ շուրջ 6000։
Ուկրաինական կողմը դեռևս չի հայտնում իր զոհված և վիրավոր զինծառայողների մասին վերջին տեղեկությունը։ Ուկրաինայի նախագահ Վլադիմիր Զելենսկին հայտարարել էր, որ ռազմական գործողությունների առաջին օրը 137 զինվոր է զոհվել։
ՌԴ պաշտպանության նախարարության տեղեկություններով այս ընթացքում մոտ 3000 ուկրաինացի զինվոր է զոհվել, 3700-ը՝ վիրավորվել։
Տաթև Ֆռանգյան
