15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Մենք նրանց կանգնեցրինք․ Վլադիմիր Զելենսկին ուղերձով է հանդես եկել
Քաղաքականություն
03.03.2022 | 11:42
Ուկրաինայի նախագահ Վլադիմիր Զելենսկին չորեքշաբթի ուշ երեկոյան հերթական անգամ ուղերձով դիմել է երկրի քաղաքացիներին, գրում է BBC-ի ռուսական ծառայությունը։
«Մենք այն ժողովուրդն ենք, որ մեկ շաբաթում խառնեց թշնամու բոլոր ծրագրերը, մենք նրանց կանգնեցրինք»,- ասել է նա։
Զելենսկին հայտարարել է, որ գերի ընկած ռուս զինվորները չգիտեն, թե ինչու են եկել Ուկրաինայի տարածք։
Նա նրանց անվանել է «շփոթված երեխաներ», որոնց Կրեմլն օգտագործում է։ Զելենսկին շնորհակալություն է հայտնել այն քաղաքների բնակիչներին, որոնք փակել են ռուսական տեխնիկայի ճանապարհը։ Նրա հրամանագրով Ուկրաինայի հերոսի կոչում է շնորհվել 15 զինվորականի, որոնցից 9-ը՝ հետմահու։
Ուկրաինայի նախագահի խոսքով՝ վերջին ժամերին ինքը հեռախոսով զրուցել է Նորվեգիայի, Իսրայելի, Ղազախստանի, Կատարի, Կանադայի, Լեհաստանի ղեկավարների, Եվրոպական խորհրդի նախագահի հետ։
Տաթև Ֆռանգյան
