26.11.2024 | 20:14
Հայաստանի մի շարք շրջաններում ձյուն է տեղում
Նոբելյան մրցանակակիրները դեմ են հանդես եկել Ուկրաինայի դեմ ՌԴ-ի պատերազմին
Քաղաքականություն
02.03.2022 | 20:41
Նոբելյան մրցանակի 160 դափնեկիրներ սուր քննադատության են ենթարկել Ռուսաստանի ռազմական գործողություններն Ուկրաինայում և կոչ արել Մոսկվային՝ զորքերը դուրս բերել երկրից, գրում է DW-ի ռուսական ծառայությունը։
«Սա նման է նրան, ինչպես նացիստական Գերմանիան 1939 թվականին հարձակվեց Լեհաստանի և 1941-ին՝ Խորհրդային միության վրա։ ՌԴ կառավարությունը, նախագահ Պուտինի ղեկավարմամբ, սկսել է չհիմնավորված ռազմական ագրեսիա, պատերազմ հարևան պետության՝ Ուկրաինայի դեմ»,- ասվում է ՌԴ-ի կառավարությանն ուղղված Նոբելյան մրցանակակիրների բաց նամակում, որը հրապարակվել է Nobel Campaingns կայքում։
«Մենք միասնաբար դատապարտում ենք ռազմական գործողությունները և նախագահ Պուտինի կողմից Ուկրաինայի գոյության օրինականության ժխտումը: Ռուսական ներխուժումը գալիք տասնամյակների ընթացքում արատավորելու է ՌԴ միջազգային հեղինակությունը: Այն խոչընդոտ կդառնա նրա տնտեսական զարգացմանը և դժվարությունների աղբյուր՝ իր ժողովրդի համար: Սահմանված պատժամիջոցները կսահմանափակեն տաղանդավոր և աշխատասեր ռուսների տեղաշարժի ազատությունն ամբողջ աշխարհում։ Ինչո՞ւ պատ կառուցել Ռուսաստանի և աշխարհի միջև»,- ասվում է նամակում։
Նշվում է նաև, որ արդեն հարյուրավոր ուկրաինացի և ռուս զինվորականներ, խաղաղ բնակիչներ, այդ թվում՝ երեխաներ են զոհվել։
«Մենք համախմբվել ենք՝ Ռուսաստանի կառավարությանը կոչ անելով դադարեցնել ներխուժումն Ուկրաինա և դուրս բերել զորքերը Ուկրաինայից»,- նշվում է բաց նամակում։
Էմմա Չոբանյան
