21.08.2026 | 20:40
Հայաստանի և Վրաստանի հետախուզական կառույցների ղեկավարները քննարկել են համագործակցության խորացումը. 1tv.ge
ՌԴ ԱԳ փոխնախարարը հայտարարել է, թե ՌԴ-ի և ՆԱՏՕ-ի միջև ուղիղ բախման ռիսկեր են առաջանում
Քաղաքականություն
02.03.2022 | 19:41
Չի կարելի բացառել ՆԱՏՕ-ի հետ միջադեպերի առաջացումը, որոնք կարող են սրվել։ Այս մասին հայտարարել է ՌԴ ԱԳ փոխնախարար Ալեքսանդր Գրուշկոն, գրում է «Ինտերֆաքս»-ը։
«Ռիսկեր, իհարկե, առաջանում են։ Եվ, իհարկե, չափազանց մտահոգված ենք Ուկրաինա սպառազինությունների մատակարարման ծրագրի հարցով։ Այս իրավիճակում ամեն ինչ շատ վտանգավոր է։ Որևէ երաշխիք չկա, որ չի լինի որևէ միջադեպ, գոյություն չունի որևէ երաշխիք, որ միջադեպերը չեն սրվի անցանկալի ուղղությամբ։ Իհարկե, մենք լսում ենք, եթե ՆԱՏՕ-ն հայտարարում է, որ որևէ պլան կամ մտադրություն չունի, նշանակում է՝ դեռ մնացել է ողջամտություն, որն առկա է ՆԱՏՕ-ի գործողություններում»,- ասել է Գրուշկոն։
Նա նշել է, որ շահագրգռված են, որ «ՆԱՏՕ-ն այնպիսի դիրքորոշում ընդունի, որը կպաշտպանի իրենց սեփական ազգային շահերը»՝ հավելելով, որ «բոլոր ազդանշաններն ուղարկվել են ամենաբարձր մակարդակով»։
Էմմա Չոբանյան
