18.08.2026 | 17:41
Հայտնի է «Ուժեղ Հայաստանի»՝ Եվրաինտեգրման հարցերի մշտական հանձնաժողովի նախագահի թեկնածուի անունը
Միջուկային պատերազմով կոչնչանան բոլորը․ ՌԴ-ն հոխորտում է, բայց դրան չի գնա․ Հայկ Սուքիասյան. ՏԵՍԱՆՅՈՒԹ
Քաղաքականություն
02.03.2022 | 20:32
«Ուկրաինայի դեմ պատերազմի հիմքում Ռուսաստանը սխալ թեզեր է դրել»,- կարծում է քաղաքագետ Հայկ Սուքիասյանը, որն այսպես է փաստարկում իր գնահատականը՝ աշխարհի չլինելու հայտ ներկայացրել է Ռուսաստանը, ոչ թե աշխարհն է դրել ՌԴ-ի չլինելու հարցը։
«ՌԴ-ն հորինել է թեզեր, թե իր անվտանգությանն են սպառնում։ Հակադարձության սկզբունքով՝ ՆԱՏՕ-ն էլ կարող է ասել՝ ՀԱՊԿ-ն իր անվտանգությանն է սպառնում, ուրեմն՝ պետք է հարձակվի ՀԱՊԿ-ի վրա՞»,- Factor TV-ի հետ զրույցում ասաց քաղաքագետը։
Ըստ Հայկ Սուքիասյանի՝ քանի որ ՌԴ-ի փաստարկները լեգիտիմություն չունեն, հոխորտում է միջուկային զենքով, սակայն կա կարևորագույն խնդիր՝ Մոսկվան մոռանում է, որ իրենից բացի՝ այլ տերություններ ևս ատոմային զենք ունեն։
«Ես ուզում եմ հղում անել Քիսինջերին, որն ասել է՝ միջուկային պատերազմ չի լինելու, ինչքան էլ Ռուսաստանը հոխորտա։ Միջուկային զենքի առկայությունը բերում է հավասար բնաջնջման վտանգի։ Դա նշանակում է՝ պետությունների միջև ուղիղ բախում չի կարող լինել։ Եվ քանի որ միջուկային երկրներն ուղիղ չեն բախվում, իրենց հարցերը լուծում են ուրիշ երկրների տարածքներում»,- ասաց Հայկ Սուքիասյանը։
Եթե ՌԴ-ն հաղթի Ուկրաինային, ըստ քաղաքագետի, հաջորդիվ հայտ է ներկայացնելու Լեհաստանի, Բալթյան երկրների նկատմամբ, իսկ դա ՆԱՏՕ-ի հետ ուղիղ բախում է։
Հարցազրույցն ամբողջությամբ՝ ետսանյութում։
Ռոբերտ Անանյան
