09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
16 ժամ աշխատող, բայց 400 հազար դրամ ստացող դատավորը չի կարող նորմալ դատավոր լինել. Արմեն Խաչատրյան․ ՏԵՍԱՆՅՈւԹ
Քաղաքականություն
02.03.2022 | 19:07
Ազգային ժողովն այսօր առաջին ընթերցմամբ ընդունեց դատավորների, քննիչների, դատախազների կենսաթոշակների բարձրացման վերաբերյալ օրենսդրական փաթեթը:
Factor.am-ի հետ զրույցում «Քաղաքացիական պայանագիր» խմբակցության պատգամավոր Արմեն Խաչատրյանը նշեց, որ ներկայումս դատավորների, քննիչների, դատախազների կենսաթոշակային տարիք է համարվում 63 տարեկանը, նախագծով առաջարկվում է 20 տարվա մասնագիտական ստաժ ունենալուց հետո անցնել բարձր նշաձողով կենսաթոշակի:
Դիտարկմանը, որ հանրության մեջ մտահոգություն կա, որ դատավորների համար բարձր կենսաթոշակ է ապահովվում, մինչդեռ, օրինակ, ուսուցիչների համար չի ապահովվում, Խաչատրյանը նշեց. «Եթե սա համարենք անարդարություն, ուրեմն պետք է ասենք, որ այն գործում է աշխարհի բոլոր զարգացած երկրներում… 16 ժամ աշխատող, բայց 400-500 հազար դրամ ստացող դատավորը չի կարող նորմալ դատավոր լինել: Սկզբից պետք է դատավորների սոցիալական պայմաններն ապահովենք, եթե սոցիալական երաշխիքներ չտանք, իրենցից շատ բան չենք կարող պահանջել»:
Մանրամասները՝ տեսանյութում:
