15.12.2025 | 18:47
Ձեր ախորժակը իջացրե՛ք. վարորդը` Yandex-ի ղեկավարությանը․ ՏԵՍԱՆՅՈՒԹ
Ռուբլիի փոխարժեքը պատմական անկում է գրանցել դոլարի ու եվրոյի նկատմամբ
Տնտեսություն
02.03.2022 | 18:25
Մոսկվայի բորսայում ռուբլին այսօր անկման պատմական ռեկորդ է սահմանել։ Կեսօրին ռուսական արժույթը պատմական ամենացածր փոխարժեքներն է ունեցել ամերիկյան դոլարի ու եվրոյի նկատմամբ։ ՏԱՍՍ-ի փոխանցմամբ՝ ամենացածր փոխարժեքները եղել են․
• 1 դոլարի դիմաց՝ 122,39 ռուբլի,
• 1 եվրոյի դիմաց՝ 110 ռուբլի։
Դրանից հետո կուրսերը որոշակի կայունացել են, ռուբլին փոքր-ինչ թանկացել է։ Ավելի ուշ Ռուսաստանի բանկը (կենտրոնական բանկ) որոշել է չվերսկսել առք ու վաճառքը։ Վաղը Մոսկվայի բորսայում առք ու վաճառքի վերաբերյալ որոշումը կայացվելու է ավելի ուշ։
Ռուսաստանի կենտրոնական բանկը նաև սահմանել է ռուբլիի վաղվա պաշտոնական փոխարժեքները ամերիկյան ու եվրոպական արժույթների նկատմամբ։ Երկու դեպքում էլ ռուբլու գինը նվազել է ավելի քան 10 տոկոսով։ Սահմանվել են հետևյալ պաշտոնական սակագները․
• 1 դոլարի դիմաց՝ 103,2487 ռուբլի,
• 1 եվրոյի դիմաց՝ 114,5544 ռուբլի։
Հայաստանում, հիշեցնենք, ռուբլիի ամենամեծ անկումը եղավ երկուշաբթի՝ փետրվարի 28-ին։ Որոշ բանկերում ռուբլու առքի գինը իջավ մինչև 2,5 դրամ։ Հիմա որոշակի աճ կա, և ռուբլու առքի գինը հասել է 3,5-5 դրամի, վաճառքի գինն ավելի քան 6 դրամ է։
