06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Նավալնին ռուսաստանցիներին պատերազմի դեմ բողոքի կոչ է արել
Քաղաքականություն
02.03.2022 | 18:16
Անազատության մեջ գտնվող ընդդիմադիր գործիչ Ալեքսեյ Նավալնին Instagram-ի իր էջում ռուսաստանցիներին կոչ է արել Ուկրաինայի հետ ՌԴ պատերազմի դեմ բողոքի դուրս գալ, գրում է DW-ի ռուսական ծառայությունը։
«Մենք՝ Ռուսաստանը, ուզում ենք լինել խաղաղության ազգ: Ավաղ, հիմա քչերն են մեզ այդպես անվանելու։ Բայց եկեք գոնե վախեցած լռակյացների ազգ չդառնանք։ Վախկոտների ազգ, որոնք ձևացնում են, թե չեն նկատում ագրեսիվ պատերազմը, որը մեր՝ ակնհայտորեն խելագար ցարը սանձազերծել է Ուկրաինայի դեմ»,- գրել է նա։
Նավալնին հավելել է, որ Պուտինը Ռուսաստան չէ:
«Եվ եթե հիմա Ռուսաստանում կա մի բան, որով կարելի է ամենաշատը հպարտանալ, այն 6835 մարդիկ են, որոնք ձերբակալվել են, որովհետև առանց որևէ կոչի նրանք փողոց են դուրս եկել՝ «Ո՛չ պատերազմին» պաստառներով»,- գրել է ընդդիմադիր գործիչը։
