09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինայի ԱԻՊԾ-ն հայտնում է ավելի քան 2 հազար խաղաղ բնակչի զոհվելու մասին
Քաղաքականություն
02.03.2022 | 17:13
Ուկրաինայի վրա Ռուսաստանի հարձակման մեկնարկից ի վեր ավելի քան 2000 ուկրաինացի է զոհվել․ այս թիվը չի ներառում զոհված զինծառայողներին։ Այս մասին հայտնել է Ուկրաինայի Արտակարգ իրավիճակների պետական ծառայությունը, փոխանցում է Korrespondent-ը։
Նշվում է, որ պատերազմի յոթ օրերի ընթացքում ռուսական զինուժը ոչնչացրել է հարյուրավոր տրանսպորտային ենթակառուցվածքներ, բնակելի շենքեր, հիվանդանոցներ և մանկապարտեզներ։
«Այսօր Ուկրաինայի ԱԻՊԾ-ի հիմնական ջանքերն ուղղված են մարդկանց փրկությանը: Մեզ հաջողվեց փրկել ավելի քան 150 մարդու կյանք, չեզոքացնել ռուսական ուժերի գնդակոծությունից հետո բռնկված ավելի քան 400 հրդեհ, տարհանել ավելի քան 500 մարդու: Վնասազերծվել է 416 պայթուցիկ առարկա»,- ասվում է հաղորդագրությունում։
Նշվում է, որ առաջադրանքը կատարելիս 10 փրկարար է մահացել, 13-ը տարբեր աստիճանի մարմնական վնասվածքներ է ստացել։
