19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Եվրոպայում գազի գինը թարմացրել է պատմական առավելագույնը
Տնտեսություն
02.03.2022 | 16:11
Մեկ շաբաթ առաջ գազը եվրոպական շուկայում արժեր 1000 դոլարից էլ պակաս, սակայն Ուկրաինայի վրա Ռուսաստանի հարձակումից հետո գներն աճեցին։ Մարտի 2-ին գազի գինը եվրոպական շուկայում թարմացրել է ռեկորդը․ գինն աճել է գրեթե 60%-ով և հատել հազար խորանարդ մետրի դիմաց 2200 դոլարի շեմը, գրում է Korrespondent-ը։
TTF հանգույցում ապրիլյան ֆյուչերսների գինը հասել է 2227 դոլարի՝ հազար խորանարդ մետրի դիմաց, մինչդեռ երեքշաբթի աճուրդն ավարտվել է 1418 դոլարի մակարդակով։
Նախորդ պատմական առավելագույն գինը գրանցվել է 2021 թվականի դեկտեմբերի 21-ին՝ 2138 դոլար՝ հազար խորանարդ մետրի դիմաց։ Փետրվարին գազի միջին գինը կազմել է 935 դոլար։
Ուկրաինայի դեմ Ռուսաստանի պատերազմից բացի՝ գազի գնի վրա ազդում է Եվրոպա հասած սառը եղանակը և վերականգնվող աղբյուրների հաշվին էլեկտրաէներգիայի արտադրության կրճատումը։
Հիշեցնենք՝ մինչ Ուկրաինա ռուսական ներխուժումը և «Հյուսիսային հոսք 2» նախագծի դադարեցումը Եվրոպայում գազն արժեր 1000 դոլարից պակաս՝ հազար խորանարդ մետրի դիմաց:
