10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
ՄԱԿ-ի, ՀԲ-ի և ԵՄ-ի համատեղ փորձագիտական առաքելությունը մարտին կայցելի Արցախի գրավյալ տարածքներ
Քաղաքականություն
02.03.2022 | 14:00
ՄԱԿ-ի, Համաշխարհային բանկի ու Եվրամիության փորձագետների համատեղ առաքելությունը մարտի 7-17-ն այցելելու է Արցախի գրավյալ տարածքներ՝ գնահատում իրականացնելու համար։ Ադրբեջանական լրատվամիջոցների հաղորդմամբ՝ այս մասին հայտարարել է Ադրբեջանում ՄԱԿ-ի մշտական համակարգող Վլադենկա Անդրեևան։
Նա նշել է, որ հետպատերազմյան շրջանում Ադրբեջանին օգնությունը Բաքվի և ՄԱԿ-ի համագործակցության ոլորտներից է։
«Ադրբեջան կայցելեն 10 փորձագետներ։ Նրանք կլինեն ՄԱԿ-ի, Համաշխարհային բանկի ու ԵՄ ներկայացուցիչներ։ Փորձագետներն Ադրբեջանում են լինելու մարտի 7-17-ը»,- ասել է Անդրեևան։
ՄԱԿ-ի պաշտոնյայի խոսքով՝ նրանք գնահատելու են իրավիճակն Արցախի գրավյալ տարածքներում՝ հասկանալու, թե ինչպես կարելի է լավագույնս օգնել Ադրբեջանին այդ տարածքների վերականգնման հարցում։
Էմմա Չոբանյան
