06.10.2026 | 11:45
Ինչ են քննարկում Սասուն Միքայելյանը և Նարեկ Կարապետյանը վիճաբանության ժամանակ․ ՏԵՍԱՆՅՈՒԹ
Քոչարյանի գործով որոշումները թելադրվում են դատարանին․ այս որոշումով գործը մտավ փակուղի․ Հայկ Ալումյան․ ՏԵՍԱՆՅՈՒԹ
Հասարակություն
02.03.2022 | 13:36
Երևան քաղաքի ընդհանուր իրավասության դատարանը՝ դատավոր Աննա Դանիբեկյանի նախագահությամբ, մերժեց ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանի՝ ՍԴ դիմելու միջնորդությունը։
Հիշեցնենք, որ Ալումյանը միջնորդել է դիմել Սահմանադրական դատարան, պնդելով` որ դատարանը օրենքով հնարավորություն չունի պարզաբանելու Ռոբերտ Քոչարյանին և Արմեն Գևորգյանին առաջադրված մեղադրանքը, այն հակասում է Սահմանադրության 67-րդ հոդվածի 1 կետին և 63 հոդվածի 1 մասին։
Հայկ Ալումյանը լրագրողների հետ զրույցում հերթական անգամ վերահաստատեց իրենց այն կարծիքը, որ տվյալ գործով որոշումները կայացվում են ո՛չ Դանիբեկյանի կողմից և ո՛չ էլ տվյալ դատարանում:
«Որոշումները թելադրվում են դատարանին: Կարծում եմ սա բացատրություններից մեկն է, թե ինչու մեր միջնորդությունը մերժվեց, որովհետև դատարանը սրանով ինքն իրեն ու առհասարակ դատավարությունը մտցրեց փակուղի։ Մենք կնայենք, թե ինչ պատճառաբանությամբ է մերժվել միջնորդությունը, սակայն Վերաքննիչում մեր բողոքարկումն անիմաստ կլինի, քանի որ այդ դատարանը չի կարող պարտավորեցնել Առաջին ատյանի դատարանին, որպեսզի հարցին նայի այլ տեսանկյունից ու դիմի ՍԴ»,- նշեց Քոչարյանի պաշտպանը։
Մանրամասները՝ տեսանյութում:
