18.08.2026 | 15:55
ՃՏՊ-ից հետո վարորդը կարող է ազատվել քրեական պատասխանատվությունից, եթե առկա է տուժողի հետ հաշտություն
Ադրբեջանը քայլեր է կատարում՝ Արցախն ու ՀՀ սահմանամերձ շրջանները հայաթափելու նպատակով․ Տաթևիկ Հայրապետյան․ ՏԵՍԱՆՅՈՒԹ
Քաղաքականություն
02.03.2022 | 12:34
Հետպատերազմյան շրջանում, հայերի նկատմամբ Ադրբեջանի ատելության խոսույթում մի քանի նոր շեշտադրումներ են ավելացել: Այսօր «Հայատյացությունն Ադրբեջանում և էթնիկ զտումների վտանգ Արցախում» թեմայով քննարկման ժամանակ նշեց ադրբեջանագետ Տաթև Հայրապետյանը:
Նա մեջբերեց Ադրբեջանի նախագահի այն հայտարարությունները, որոնցում Ադրբեջանի ժողովրդին անվանում է «հաղթած ժողովուրդ, իսկ հայերին՝ պարտված ժողովուրդ»:
«Ադրբեջանի նախագահը մշտապես շեշտում է, որ հայերը հավերժ կապրեն, որպես պարտված ժողովուրդ, որ չկա հայկական բանակ, որ բոլորը փախել են և այլն. այսինքն, այս նսեմացումը շարունակական բնույթ է կրում: Ալիևն իր ելույթներով ցանկանում է ընդհանրապես դեմոնիզացնել հայ ժողովրդին և, ընդհանրապես հայերի ներկայությունն Արցախում: Այստեղ կարևորն այն է, որ ինքն անընդհատ փորձում է ներկայացնել, որ տարածաշրջանը իրենք ֆաշիստներից են ազատել: Այսինքն, փորձում է դրան գլոբալ բնույթ տալ»:
Տաթևիկ Հայրապետյանի դիտարկմամբ՝ ատելության քարոզին զուգահեռ՝ Ադրբեջանը նաև տարածքային հավակնություններ է ներկայացնում՝ Հայաստանի մասին էլ խոսելով նույն հռետորաբանությամբ, ինչը սանձազերծվել էր 44-օրյա պատերազմում՝ Արցախի նկատմամբ:
Փորձագետն ուշադրություն է հրավիրեց այն հանգամանքի վրա, որ հայ ժողովրդի մասին խոսելիս, Ալիևն անընդհատ շեշտում է «երկաթե բռունցքի» մասին, որը պատրաստ է նաև նոր հարվածներ հասցնելու անհրաժեշտության դեպքում:
Նրա խոսքով՝ նաև նոր տարր է ավելացել՝ պատերազմից հետո Արցախի սահմանամերձ շրջաններում սպանության երեք դեպք է եղել, ՀՀ սահմաններից հովվի, անասունների առևանգման դեպքեր են եղել և այլն, ինչը բանախոսի դիտարկմամբ, խոսում է այդ շրջանների բնակիչների նկատմամբ Ադրբեջանի կողմից ծավալվող ահաբեկչական գործողությունների մասին, որի վերջնական նպատակն է Արցախի և Հայաստանի սահմանամերձ բնակչության հայաթափումը:
Մանրամասները՝ տեսանույթում:
