12.09.2026 | 15:44
Պուտինը սպառնում է Եվրոպային պատերազմով՝ Ուկրաինա զորքեր մտցնելու դեպքում․ DW
Apple-ը ՌԴ-ում դադարեցնում է իր ապրանքների վաճառքն ու սահմանափակում ծառայությունները
Քաղաքականություն
02.03.2022 | 12:15
Արձագանքելով Ուկրաինայում Ռուսաստանի ծավալած ռազմական գործողություններին՝ Apple-ը միացել է խոշոր ընկերություններին և դադարեցրել ՌԴ-ում վաճառքը, գրում է BBC-ի ռուսական ծառայությունը։ Ամերիկյան ընկերությունը հայտարարել է, որ խորապես մտահոգված է և հանդես է գալիս ի պաշտպանություն նրանց, ովքեր «տառապում են բռնության հետևանքով»:
Apple Pay-ը և այլ ծառայություններ, ինչպիսիք են Apple Maps-ը, ՌԴ-ում կսահմանափակվեն: Ռուսական բանկերի բջջային բանկային հավելվածները ևս շուտով կարող են դադարել գործել Apple iOS օպերացիոն համակարգով սարքերում։
Նշենք, որ նախորդ շաբաթ Ուկրաինայի փոխվարչապետ Միխայիլ Ֆեդորովը թվիթերում բաց նամակ էր գրել Apple-ի ղեկավարներին՝ կոչ անելով Ռուսաստանին զրկել ընկերության արտադրանքնից և ծառայություններից, ինչպես նաև App Store-ից:
Էմմա Չոբանյան
