08.06.2026 | 15:08
Քրեական վարույթ է նախաձեռնվել Լիճքի համայնքապետի և նրա հարազատների մասնակցությամբ միջադեպի առնչությամբ
Bloomberg-ը հայտնել է ռուսական բանկերի անունները, որոնց ԵՄ-ն նախատեսում է անջատել SWIFT համակարգից
Քաղաքականություն
01.03.2022 | 20:56
ԵՄ-ն քննարկում է ռուսական 7 բանկի SWIFT համակարգից անջատելու հնարավորության հարցը։ Այս մասին գրում է ՏԱՍՍ-ը՝ վկայակոչելով Bloomberg գործակալությանը։
Լրատվամիջոցի տվյալներով՝ այդ բանկերն են ՎՏԲ-ն, Ռոսիան, Օտկրիտիեն, Նովիկոմբանկը, Պրոմսվյազբանկը, Սովկոմբանկը և ՎԷԲ-ը։
Նշվում է, որ ցուցակում կան բանկեր, որոնց դեմ արդեն իսկ պատժամիջոցներ սահմանվել են Միության կողմից։ Միաժամանակ, Սբերբանկն ու Գազպրոմբանկը ցուցակում չկան։
Bloomberg-ը հայտնում է, որ փաստաթղթի նախագիծը դեռ կարող է փոփոխությունների ենթարկվել Բրյուսելում կայանալիք հանդիպման ժամանակ՝ ԵՄ կառավարությունների ներկայացուցիչների միջև շարունակվող քննարկումների ֆոնին։
Էմմա Չոբանյան
