09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինան բանակցությունների չի գնա, եթե ՌԴ-ն ծրագրում է միայն իր վերջնագրերը հայտարարել․ Կուլեբա
Քաղաքականություն
01.03.2022 | 20:49
Ուկրաինայի ԱԳ նախարար Դմիտրի Կուլեբան հայտարարել է, որ Կիևը չի կատարելու ռուսական վերջնագրերը, գրում է zn.ua-ն։
«Մենք հիմա վերլուծում ենք այն, ինչ տեղի ունեցավ երեկ։ Հայտարարված դիրքորոշումների մասին նախագահն ամենայն մանրամասնությամբ տեղեկացված է։ Մենք կորոշենք մեր դիրքորոշումը, և այդ ժամանակ արդեն, անհրաժեշտության դեպքում, կպատրաստվենք նոր հանդիպման։ Մենք գտնում ենք, որ նման հանդիպումը պետք է լինի, քանի որ Ուկրաինան հավատում է դիվանագիտությանը, և մենք պատրաստ ենք այս հակամարտության դիվանագիտական լուծմանը»,- ասել է Կուլեբան ճեպազրույցի ընթացքում։
Նա, միաժամանակ, հայտարարել է, որ որևէ պարագայում ուկրաինական պատվիրակությունը չի գնա բանակցությունների, եթե Ռուսաստանի Դաշնությունը ծրագրում է միայն հայտարարել իր վերջնագրերը։
«Բանակցությունները բանակցություն են, և մենք կխոսենք ու լուծումներ կփնտրենք: Բայց մենք չենք ենթարկվի ռուսական վերջնագրերին ու քմահաճույքներին»,- ասել է Ուկրաինայի ԱԳ նախարարը։
Էմմա Չոբանյան
