16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
ՆԱՏՕ-ի երեք երկրներ Ուկրաինային են փոխանցում 70 ինքնաթիռ, որոնք կարող են տեղակայվել Լեհաստանում
Քաղաքականություն
01.03.2022 | 19:35
Բուլղարիան, Լեհաստանը և Սլովակիան Ուկրաինային են փոխանցում 70 ռազմական ինքնաթիռ, որոնք կարող են տեղակայվել Լեհաստանի օդանավակայաններում։ Այս մասին Facebook-ի պաշտոնական էջում հայտնել է Ուկրաինայի Զինված ուժերի ռազմածովային ուժերի մամուլի ծառայությունը։
«70 ինքնաթիռ ուկրաինական բանակի համար: Մեր գործընկերները մեզ տալիս են ՄիԳ-29 և Սու-25: Անհրաժեշտության դեպքումъ դրանք կարող են տեղակայվել Լեհաստանի օդանավակայաններում, որտեղից ուկրաինացի օդաչուները մարտական առաջադրանքներ կկատարեն»,- հայտնել են ռազմական ուժերի մամուլի ծառայությունից:
Ըստ այդմ՝ Բուլղարիան Ուկրաինա է տեղափոխում 16 ՄիԳ-29 կործանիչ և 14 Սու-25 գրոհային ինքնաթիռ, Լեհաստանը՝ 28 ՄիԳ-29 ինքնաթիռ, Սլովակիան՝ 12 ՄիԳ-29։
ԵՄ արտաքին գործերի և անվտանգության քաղաքականության հարցերով հանձնակատար Ժոզեպ Բորելը հայտարարել է, որ ԵՄ արտգործնախարարները համաձայնել են Ուկրաինային տրամադրել 450 միլիոն եվրոյի մահաբեր զենք։ Բորելը նաև ասել է, որ ԵՄ-ն ռազմական ինքնաթիռներ կմատակարարի Ուկրաինային։
Տաթև Ֆռանգյան
