Քաղաքականություն
01.03.2022 | 21:17Factor TV-ի «Ուշադրության կենտրոնում» հաղորդման այս թողարկման թեման փետրվարի 22-ին Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի ստորագրած երկու երկրերի միջև դաշնացային փոխգործակցության հուշագիրն է՝ ուկրանական ճգնաժամի ֆոնին։
Քաղաքագետ Դավիթ Ստեփանյանի խոսքով՝ Ուկրաինայի դեմ Ռուսաստանի սկսած պատերազմը միանշանակ կարելի է կապել ռուս-ադրբեջանական մերձեցման հետ։ Ըստ նրա՝ հռչակագրի ստորագրումը պետք է կապել նաև 44-օրյա պետերազմի հետևանքերի հետ։ Այս իրադարձությունների շարքը, քաղաքագետի խոսքով, շարունակում է նաև Ադրբեջանի և Թուրքիայի միջև ստորագրած «Շուշիի հռչակագիրը»։
«Աշխարհաքաղաքական գործընթացներ են տեղի ունենում։ Այն օպերացիան, որն Արցախում տեղի ունեցավ, միայն Արցախի մասին չէր, այն ուներ ավելի խորը պատճառներ, ավելի հեռուն գնացող նպատակներ։ Այդ նպատաներից են նաև այդ հռչակագրերը, որոնք ստորագրվեցին Մոսկվայում և Շուշիում։ Տեղի է ունենում Ռուսաստանի և Թուրքիայի ազդեցության մեծացում»,- ասաց նա։
Քաղաքագետ Էդգար Վարդանյանի նկատառմամբ էլ՝ Մոսկվան Բաքվի հետ իր հարաբերություններն ավելի բարձր մակարդակի հասցնելու համար ինչ-որ բան պետք է վճարի, իսկ թե ինչ, դեռ դժվար է ասել։
«Ազատ քաղաքացի» ՀԿ Հովսեփ Խուրշուդյանն էլ նկատեց, որ Ալիևը խուսափեց պամանագրեր կնքելուց, նախընտրեց հռչակագիրը։
«Ռուսաստանին պետք էր պայմանագիր, որովհետև, ես վստահ եմ, որ Ռուսաստանի կողմից Արցախի մի մասն Ադրբեջանին գրավել թույլ տալը կապված էր այն հեռանկարի հետ, որ Ադրբեջանն առնվազն պայմանագրային, դաշնակցային հարաբերությունների մեջ կմտնի հետ իր հետ։ Նրանք դրան սպասում էին, և սպասում էին, որ Ադրբեջանը նաև ՀԱՊԿ և ԵՏՄ կմտնի»,- նշեց նա։
Մանրամասները՝ տեսանյութում։
Հռիփսիմե Հովհաննիսյան
