08.06.2026 | 12:34
Որ ուժը որքան ձայն է ստացել. ԿԸՀ նախագահը ներկայացնում է նախնական արդյունքները․ ՏԵՍԱՆՅՈՒԹ
Ռիսկ կա, որ Ադրբեջանը կարող է սադրիչ գործողություններ ձեռնարկել Հայաստանի ու Արցախի դեմ. Խաչատրյան․ ՏԵՍԱՆՅՈՒԹ
Քաղաքականություն
01.03.2022 | 18:06
«Աշխարհի ուշադրությունը բևեռված է ռուս-ուկրաինական պատերազմի վրա, ռիսկերը մեծ են, որ Ադրբեջանը կարող է, եթե ոչ լայնածավալ, ապա գոնե սադրիչ գործողություններ ձեռնարկել ՀՀ-ի և Արցախի դեմ»,- ԱԺ նիստում այս կարծիքը հայտնեց «Հայաստան» խմբակցության պատգամավոր Արթուր Խաչատրյանը:
Նրա դիտարկմամբ՝ պատահական չէր, որ օրերս ադրբեջանական ելուզակները բարձրախոսով պարտադրում էին Ասկերանի շրջանի Խրամորթ գյուղի բնակիչներին լքել տարածքը՝ գյուղի այգիները, որոնք նրանց միակ ապրուստի միջոցն են:
Պատգամավորը տեղեկացրեց, որ «Հայաստան» և «Պատիվ ունեմ» խմբակցությունները դիմել են ՀՀ ԱԺ-ի և Արցախի ԱԺ-ի միջև համագործակցության միջխորհրդարանական հանձնաժողովի նախագահ Ալեն Սիմոնյանին, մարտի 2-րդ տասնօրյակում հրավիրել համատեղ նիստ: «Այս հանձնաժողովը չպետք է անգործություն և անտարբերություն դրսևորի»,- հավելեց Խաչատրյանը:
Մանրամասները՝ տեսանյութում:
