10.10.2026 | 14:28
ԵՄ-ն շնորհավորել է Երևանի 2808-ամյակը
ՀԱՊԿ-ՆԱՏՕ ուղիղ բախումը չի բացառվում․ հստակ է դառնում՝ ՀՀ-ի գլխին ինչ սպառնալիքներ են կախված․ Տիգրան Աբրահամյան․ ՏԵՍԱՆՅՈՒԹ
Քաղաքականություն
01.03.2022 | 17:54
«Ուկրաինայի շուրջ ստեղծված ծանր իրադրությունը, աշխարհում բարձր տեմպ վերցրած սպառազինության մրցավազքը, ահաբեկչական խմբավորումների ակտիվացումն ու կենտրոնացումը եվրասիական տարածաշրջանում, միջուկային զենքի հնարավոր կիրառման հարցը միջազգային օրակարգի քննարկման առարկա դառնալը հուշում են, որ պայթյունը միայն Ուկրաինայով չի սահմանափակվելու»,-ԱԺ լիագումար նիստում այսօր հայտարարեց «Պատիվ ունեմ» խմբակցության պատգամավոր Տիգրան Աբրահամյանը։
«Մեր տարածաշրջանի դերակատարներն ագրեսիվ դիմակայության փուլում են։ Աստիճանաբար տեսանելի են դառնում ՀԱՊԿ-ՆԱՏՕ անուղղակի և չի բացառվում նաև ուղիղ բախումը։ Հստակ է դառնում, թե Հայաստանի գլխին ինչ նոր սպառնալիքներ են կախված: Հայաստանի և Արցախի շուրջ ձևավորված անվտանգային միջավայրն առավել մուգ գույներ է ստանում։ Շփման գծում իրադրությունը կարող է լուրջ փոփոխությունների ենթարկվել՝ այս փուլում դրանք կարող են դրսևորվել ՀՀ և Արցախի սահմաններին սադրանքներով, մեծամասշտաբ զորավարժություններով, զորքերի կուտակումով, մեկ այլ փուլում դրանք կարող են լինել ունենալ թիրախանին, ագրեսիվ և մասշատբային դրսևորում»,-հավելեց Տիգրան Աբրահամյանը։
Նրա խոսքով՝ նման բարդ իրավիճակում իշխանությունն անհասկանալի դիրք ու կեցվածք է ընդունել. «Երկիրը հնարավոր սցենարային զարգացումներին նախապատրաստելու փոխարեն ԶՈՒ-ում, ՊՆ-ում զբաղված է ներկուսակցական շահեր սպասարկող փոփոխություններով, զինվորականների նկատմամբ ճնշումներով»։
Մանրամասները՝ տեսանյութում:
