29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Պուտինն ու Լուկաշենկոն պետք է պատասխանատվության ենթարկվեն Ուկրաինայում ռազմական հանցագործությունների համար․ ԵԽ նախագահ
Քաղաքականություն
01.03.2022 | 19:41
Եվրախորհրդարանի նախագահ Ռոբերտա Մեցոլան հայտարարել է, որ Եվրախորհրդարանը կողմ կքվեարկի Միջազգային քրեական դատարանի իրավասությանը՝ ՌԴ նախագահ Վլադիմիր Պուտինին և Բելառուսի նախագահ Ալեքսանդր Լուկաշենկոյին Ուկրաինայում ռազմական հանցագործությունների համար քրեական հետապնդման ենթարկելու համար: Նման հայտարարությամբ նա հանդես է եկել Բրյուսելում՝ Եվրախորհրդարանի արտահերթ նիստի ժամանակ, որը գումարվել է Ուկրաինայում ռազմական գործողությունների կապակցությամբ, հաղորդում է «Զերկալո նեդելի»-ն։
«Եվրոպայի ուղերձը պարզ է՝ մենք ոտքի կկանգնենք։ Մենք չենք շեղվի, երբ փողոցներում մեր արժեքների համար պայքարողները բախվում են Պուտինի հսկայական պատերազմի մեքենային։ Մենք կաջակցենք Միջազգային քրեական դատարանի իրավասությանը և Ուկրաինայում ռազմական հանցագործությունների հետաքննությանը։ Մենք նրան պատասխանատվության կենթարկենք, ինչպես և Լուկաշենկոին»,- ասել է Մեցոլան։
ԵԽ ղեկավարը նաև հայտարարել է, որ այժմ «մենք կանգնած ենք էկզիստենցիալ սպառնալիքի առաջ այն Եվրոպայի համար, որը մենք գիտենք, այն Եվրոպայի, որի համար այդքան շատ մարդ շատ բան է տվել»:
Տաթև Ֆռանգյան
