16.09.2026 | 21:42
Թուրքիայում հարցվածների 24,9 տոկոսն Ադրբեջանը համարել է թշնամի երկիր
Ուկրաինայի և ՌԴ-ի հաջորդ բանակցությունները նախատեսված են մարտի 2-ին
Քաղաքականություն
01.03.2022 | 17:46
Ուկրաինական և ռուսական կողմերի միջև հաջորդ բանակցությունները նախատեսված են մարտի 2-ին։ Բանակցությունների հաջորդ փուլի ժամկետի մասին տեղեկությունը տարածել է ՏԱՍՍ-ը։
Իր հերթին, ուկրաինական «Գլավկոմ»-ը, հղում անելով ուկրաինական պատվիրակությունում սեփական աղբյուրներին, հայտնել է այն պայմանների մասին, որոնք առաջ են քաշել կողմերը առաջին հանդիպման ժամանակ։ Նշվում է, որ Ռուսաստանն Ուկրաինայից պահանջել է ամրագրել իր ոչ դաշինքային կարգավիճակը խորհրդարանի մակարդակով՝ հանրաքվե անցկացնելով, ճանաչել Դոնեցկի և Լուգանսկի ինքնահռչակ հանրապետությունները համապատասխան շրջանների վարչական սահմաններում և փակել Ղրիմի վերադարձի՝ Կիևի պահանջը։ Ուկրաինան, ըստ պարբերականի, պահանջել է ապահովել լռության ռեժիմ և դուրս բերել ռուսական զորքերն իր տարածքից։
Հիշեցնենք, որ փետրվարի 28-ին կայացել են ռուս-ուկրաինական առաջին բանակցությունները, հանդիպումը տևել է հինգ ժամ։
Տաթև Ֆռանգյան
