15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Հայ-թուրքական հարաբերություններում թաքնված հռչակագիր կա. Սեյրան Օհանյան․ ՏԵՍԱՆՅՈՒԹ
Քաղաքականություն
01.03.2022 | 16:43
«Անհասկանալի է՝ եթե չկա նոր թեկնածու, ինչու են պաշտոնից ազատվում մարդիկ, և նշանակվում պաշտոնակատարներ: Զինված ուժերում վերջին տարիներին այդպիսի ազատումներն ու նշանակումները չափից շատ են»,- Factor.am-ի հետ զրույցում այս մասին նշեց ԱԺ «Հայաստան» խմբակցության ղեկավար, ՀՀ պաշտպանության նախկին նախարար Սեյրան Օհանյանը:
«Աշխարհաքաղաքական զարգացումներն այնպիսին են, որ մարտահրավերները և մարտական գործողությունների թատերաբեմերն արագ կարող են փոփոխվել և հայտնվել Հայաստանում ու Արցախում: ՊՆ-ում և ԳՇ պետի փոփոխություները չեն նպաստում իրավիճակի խոր տիրապետմանն ու պարտականությունների կատարմանը, մանավանդ զինված ուժերի մարտական գործողությունների ժամանակ»,- նշեց Օհանյանը:
Անդրադառնալով հարցին, թե ռուս-ուկրաինական պատերազմը Հայաստանի համար ի՞նչ սպառնալիքներ կարող է ունենալ, Օհանյանը նշեց. «Երկու եզրակացություն պետք է անենք, այն մարդկանց նշանակումները, որոնք չեն տիրապետում իրականութանը, բանակցային գործընթացին և միջպետական հարաբերություններին, այսինքն՝ լիարժեք արտաքին քաղաքականություն վարելուն, նրանք բանակցությունների փոխարեն պատերազմ են բերում: Հուսանք՝ բանակցությունները կվերականգնվեն:
Երկրորդը՝ մեր տարածաշրջանի հետ կապված հետևություններ պետք է անենք: Մեր հարևանները, ում հետ մենք ունենք ոչ պատշաճ հարաբերություններ, Թուրքիան և Ադրբեջանը երկդիմի վարքագիծ են ձևավորում և բանակցային խորամանկություններ են ընտրում իրենց վարած քաղաքականության մեջ, այդ թվում՝ նաև Ուկրաինայի հետ կապված, սա նշանակում է, որ նրանց հետ պայմանավորվելը շատ դժվար է, մանավանդ որ ՀՀ իշխանությունները գնում են հայ-թուրքական հարաբերությունների բարելավմանը, ընդհանուր առմամբ, դեմ չենք խաղաղությանը և հարևանների հետ պատշաճ հարաբերություններին, բայց դրա պայմանները և նախապայմանները պետք է լինեն… Իսկ հայ-թուրքական հարաբերություններում թաքնված հռչակագիր կա, դա Շուշիի հռչակագիրն է՝ Թուրքիայի և Ադրբեջանի միջև ստորագրված… Թուրք-ադրբեջանական զույգը պնդում է, որ պետք է լինի Զանգեզուրի միջանցք, պետք է հրաժարվել Ցեղասպանության ճանաչման քաղաքականությունից, և Հայաստանը պետք է բանակ չունենա. սա ծաղր է ՀՀ-ի և հայ ժողովրդի նկատմամբ: ՀՀ անվտանգության համակարգի արագ վերականգնումը, բանակի բարեփոխումը ամենակարևոր իրողությունները պետք է լինեն, չգիտեմ այս կադրային քաղաքականությունը այս ամենի համատեքստում է կատարվում, թե ոչ»:
Մանրամասները՝ տեսանյութում:
