18.08.2026 | 14:57
Անձնական տվյալների պաշտպանության գործակալությունը հորդորում է չտարածել Երևանում հայտնաբերված նորածնի դեմքը
Ինչո՞վ է Վրաստանը «նեղացրել» Ուկրաինային. Կիևը հետ է կանչում իր դեսպանին․ ՏԵՍԱՆՅՈՒԹ
Քաղաքականություն
01.03.2022 | 16:15
Ուկրաինան անհապաղ հետ է կանչում Ղրղզստանում և Վրաստանում իր դեսպաններին։ ՈՒՆԻԱՆ-ի փոխանցմամբ՝ այս մասին տեսաուղերձում հայտարարել է Ուկրաինայի նախագահ Վլադիմիր Զելենսկին։
«Մեր դիվանագետները հենց հիմա իրականացնում են արդար և բացարձակ անհրաժեշտ որոշումներն այն պետությունների հանդեպ, որոնք դավաճանել են իրենց խոսքին և միջազգային իրավունքին։ Անհապաղ հետ ենք կանչում Ղրղզստանում դեսպանին խորհրդակցությունների համար՝ Ուկրաինայի դեմ ագրեսիան արդարացնելու համար։ Անհապաղ հետ ենք կանչում Վրաստանից դեսպանին՝ մեզ օգնել ցանկացող կամավորներին խոչընդոտելու, պատժամիջոցների հարցում ոչ բարոյական դիրքորոշման պատճառով»,- ասել է Զելենսկին։
Հիշեցնենք՝ Ուկրաինայի դեմ Ռուսաստանի ռազմական գործողությունների մեկնարկից հետո Վրաստանի վարչապետ Իրակլի Ղարիբաշվիլին հայտարարել էր, որ Թբիլիսին չի ծրագրում միանալ Մոսկվայի դեմ Արևմուտքի պատժամիջոցներին։ Ղարիբաշվիլիի այս հայտարարությունը դժգոհություն է առաջացրել երկրում, իսկ բողոքի ակցիաների մասնակիցները պահանջում են նրա հրաժարականը։
Հավելենք, որ Վրաստանը նաև հրաժարվել է փակել իր օդային տարածքը ռուսական ավիաընկերությունների ինքնաթիռների համար։ Թբիլիսիում սա բացատրել են այն հանգամանքով, որ Վրաստանը հումանիտար նշանակության տարանցիկ ուղի է հարևան երկրների համար, այդ պատճառով չափազանց զգուշորեն է վերաբերվում խնդրին։
