09.02.2026 | 12:40
Պարեկները հետապնդել են հարբած վարորդին, բռնել ու զրկել վարորդական իրավունքից
Մեծ Բրիտանիան պատրաստվում է Ռուսաստանին ՄԱԿ-ի Անվտանգության խորհրդից հեռացնելու հարց բարձրացնել
Քաղաքականություն
01.03.2022 | 15:21
Մեծ Բրիտանիայի վարչապետ Բորիս Ջոնսոնը ժամանել է Լեհաստան, որտեղ պատրաստվում է քննարկել Ուկրաինայում տիրող իրավիճակը եվրոպական դաշնակիցների հետ, գրում է BBC-ի ռուսական ծառայությունը։
Ջոնսոնը հայտարարել է, որ Մեծ Բրիտանիան շարունակելու է առավելագույն ճնշում գործադրել Ռուսաստանի վրա, և «ռուսական ներխուժումը ծանր հետևանքներ» կունենա աշխարհակարգի համար:
Ջոնսոնը դիտարկում է նաև բարձրացնել ՄԱԿ-ի Անվտանգության խորհրդից Ռուսաստանին հեռացնելու հարցը։
Նշենք, որ ՌԴ-ն ՄԱԿ-ի Անվտանգության խորհրդի մշտական անդամ է, որը որոշումներ է կայացնում անվտանգային հարցերի և խաղաղապահ առաքելությունների վերաբերյալ: Որպես մշտական անդամ՝ Ռուսաստանն իրավունք ունի վետո դնել Անվտանգության խորհրդի բանաձևերի վրա։
ՌԴ-ից զատ՝ ՄԱԿ-ի ԱԽ մշտական անդամներն են Մեծ Բրիտանիան, ԱՄՆ-ն, Չինաստանը և Ֆրանսիան, ևս 10 անդամ ընտրվում է ամեն տարի ռոտացիոն կարգով։
Էմմա Չոբանյան
