20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Ես պարտավորություններ ունեմ Ազգային ժողովում. Արմեն Գևորգյան․ ՏԵՍԱՆՅՈՒԹ
Քաղաքականություն
01.03.2022 | 14:20
Երևանի ընդհանուր իրավասության դատարանի Շենգավիթի նստավայրում՝ դատավոր Աննա Դանիբեկյանի նախագահությամբ, դատարանը վերսկսեց հ Ռոբերտ Քոչարյանի պաշտպան Հայկ Ալումյանի՝ ՍԴ դիմելու միջնորդության քննությունը։
Հիշեցնենք՝ Ալումյանը միջնորդել էր դիմել Սահմանադրական դատարան՝ պնդելով, որ Ռոբերտ Քոչարյանին և Արմեն Գևորգյանին առաջադրված մեղադրանքը հակասում է Սահմանադրության 67-րդ հոդվածի 1 կետին և 63 հոդվածի 1 մասին։
Սակայն դատական նիստին ներկա չէր ամբաստանյալ Արմեն Գևորգյանը, որը «Հայաստան» խմբակցության պատգամավոր է, և հիմա ընթանում է ԱԺ քառօրյան: Գևորգյանի պաշտպան Լուսինե Սահակյանը տեղեկացրեց դատարանին այդ մասին՝ խնդրելով պատգամավորի բացակայությունը համարել հարգելի։
Դատարանը գտավ, որ հնարավոր չէ Արմեն Գևորգյանի բացակայությամբ քննարկել մինչ այդ ներկայացված որևէ միջնորդություն կամ վերսկսել Հայկ Ալումյանի ներկայացված՝ ՍԴ դիմելու միջնորդության քննությունը և հայտարարեց ընդմիջում՝ մինչև Գևորգյանը գա դատարան։
Արմեն Գևորգյանը ժամանեց, և դատավոր Դանիբեկյանն անմիջապես հայտարարեց, որ նրա բացակայությունն անհարգելի է համարում։
Գևորգյանը հայտնեց, որ պետք է վերադառնա ԱԺ նիստին, որին մասնակցելը սահմանադրական պարտավորություն է։
Դատավորը հայտարարեց բերման ենթարկելու հնարավորության մասին և հորդորեց դատական նիստերից չբացակայել՝ հնարավոր իրավական հետևանքներից խուսափելու համար:
Փաստաբան Լուսինե Սահակյանը հիշեցրեց, որ ըստ Սահմանադրության՝ դատարանը չի կարող պատգամավորին բերման ենթարկել։
Դատավորը դադարեցրեց հարցի քննարկումը և անցավ օրակարգին ու նախկինում ներկայացված միջնորդությունների քննարկմանը։
Մանրամասները՝ տեսանյութում:
