10.09.2026 | 13:18
Ջերմաստիճանը կբարձրանա․ բարձր կարգի հրդեհավտանգ իրավիճակ է սպասվում
Պաշտպանը կրկին միջնորդեց թույլատրել Արմեն Գևորգյանին մասնակցել ԵԽԽՎ նիստին. դատարանը փաստաթուղթ պահանջեց
Հասարակություն
01.03.2022 | 14:30
Երևանի ընդհանուր իրավասության դատարանի Շենգավիթի նստավայրում՝ դատավոր Աննա Դանիբեկյանի նախագահությամբ, դատարանը վերսկսեց հ Ռոբերտ Քոչարյանի պաշտպան Հայկ Ալումյանի՝ ՍԴ դիմելու միջնորդության քննությունը։
Սակայն դատական նիստին ներկա չէր ամբաստանյալ Արմեն Գևորգյանը՝ ԱԺ նիստին մասնակցելու պատճառով: Դատարանը գտավ, որ հնարավոր չէ Արմեն Գևորգյանի բացակայությամբ քննարկել մինչ այդ ներկայացված որևէ միջնորդություն կամ վերսկսել Հայկ Ալումյանի ներկայացված՝ ՍԴ դիմելու միջնորդության քննությունը և հայտարարեց ընդմիջում՝ մինչև Գևորգյանը գա դատարան։
Արմեն Գևորգյանը ժամանեց, և դատավոր Դանիբեկյանն անմիջապես հայտարարեց, որ նրա բացակայությունն անհարգելի է համարում։
Գևորգյանը հայտնեց, որ պետք է վերադառնա ԱԺ նիստին, որին մասնակցելը սահմանադրական պարտավորություն է։
Դատավորը հայտարարեց բերման ենթարկելու հնարավորության մասին և հորդորեց դատական նիստերից չբացակայել՝ հնարավոր իրավական հետևանքներից խուսափելու համար:
Փաստաբան Լուսինե Սահակյանը հիշեցրեց, որ ըստ Սահմանադրության՝ դատարանը չի կարող պատգամավորին բերման ենթարկել։
Դատավորը դադարեցրեց հարցի քննարկումը և անցավ օրակարգին ու նախկինում ներկայացված միջնորդությունների քննարկմանը։
Արեմն Գևորգյանի պաշտպան Լուսինե Սահակյանը կրկին միջնորդություն ներկայացրեց՝ թույլատրել Արմեն Գևորգյանին մասնակցել ԵԽԽՎ նիստին:
Մանրամասները՝ տեսանյութում:
