19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
«Պետք է պատրաստ լինենք հետևանքներին, որոնք կարող են ի հայտ գալ Ուկրաինայի պատերազմի արդյունքում». ՏԵՍԱՆՅՈՒԹ
Քաղաքականություն
01.03.2022 | 14:05
Հայաստանի Հանրապետությունը պետք է պատրաստ լինի այն հետևանքներին, որոնք կարող են ի հայտ գալ ռուս–ուկրաինական իրավիճակի զարգացման հետևանքով։ Լրագրողների հետ զրույցում նման կարծիք հայտնեց ԱԺ արտաքին հարաբերությունների հանձնաժողովի նախագահ, ՔՊ վարչության անդամ Էդուարդ Աղաջանյանը։
«ՀՀ-ն իր դիրքորոշումը վարչապետի մակարդակով հայտնել է։ Հայաստանը խորապես մտահոգված է ընթացիկ իրավիճակով։ Մենք մեր մաշկի վրա զգալով պատերազմի հետևանքները` կարողանում ենք ապրումակցել և գնահատել իրավիճակը։ Պատերազմները շատ ցավալի հետևանքներ են ունենում, և ՀՀ-ն, բնականաբար, հանդես է գալիս որպես խաղաղության և բանակցության ճանապարհով հարցերը լուծելու կողմնակից»,- նշեց Աղաջանյանը։
Նրա խոսքով` ընթացող գործընթացները մտահոգիչ են, և ՀՀ-ն, լինելով միջազգային հանրության անդամ, մտահոգված է տարածաշրջանում այս գործընթացի հնարավոր հետևանքներով։
Աղաջանյանը վստահեցրեց, որ Հայաստանն ուշադիր հետևում է զարգացումներին և այս պահին ՀՀ-ի անելիքն է տարածաշրջանում լավագույնս գնահատել ռիսկերն ու առաջ անցնել։
«Ամենացանկալի զարգացումը կլինի օր և ժամ առաջ ռազմական գործողությունների դադարեցումը: Սակայն դա այնպիսի հարց է, որ ՀՀ-ի վերահսկողության տիրույթից դուրս է։
Մանրամասները՝ տեսանյութում:
