07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Հակակարկտային կայանների համար ծախսված միլիոնավոր դոլարներն ու կառավարության նոր նախաձեռնությունը
Հասարակություն
21.06.2017 | 19:30
Հայաստանի կառավարությունը 2004 թվականից ի վեր ավելի քան 3 միլիոն 600 հազար ԱՄՆ դոլար է հատկացրել հակակարկտային կայաններ ձեռք բերելու նպատակով, բայց ինչպես վերջերս խոստովանեցին ԱԻՆ պաշտոնյաները, դրանց արդյունավետությունը կրիտիկական դեպքերում 10 տոկոս է:
2004 թվականին գյուղատնտեսության նախարարության նախաձեռնությամբ ներդրված հակակարկտային համակարգի ոչ արդյունավետ լինելուն այս տարիների ընթացքում անդրադարձել են ոչ միայն գյուղացիներն ու փորձագետները, այլ նաև տարբեր ժամանակներում այդ մասին բարձրաձայնել են կառավարության պաշտոնյաները:
Հակակարկտային կայանների արդյունավետության հարցը նաև վարչապետ Կարեն Կարապետյանի ուշադրության կենտրոնում է, ով խոստացել է ոչ միայն հակակարկտային պաշտպանության նոր՝ հրթիռային եղանակի ներդրման պիլոտային ծրագիր իրականացնել, այլ նաև գյուղատնտեսության ապահովագրման համակարգ ներդնել: Մնում է հուսալ, որ կառավարության ղեկավարն իր նախորդների նման չի բավարարվի միայն խոստումներով՝ շարունակելով պետական բյուջեի միջոցներով ձեռք բերել հակակարկտային կայաններ, որոնց թվաքանակի աճին զուգահեռ աճում են նաև կարկտահարությունից գյուղատնտեսությանը հասցված վնասի չափերը:
Մանրամասները՝ Factor.am-ի տեսանյութում:
Շողիկ Գալստյան
