29.03.2026 | 14:53
Միջադեպ Սուրբ Աննա եկեղեցում՝ Փաշինյանի դուրս գալու ժամանակ․ ՏԵՍԱՆՅՈւԹ
Զելենսկին հայտարարել է, որ Թուրքիան արգելել է ռուսական ռազմանավերի անցումը դեպի Սև ծով
Քաղաքականություն
26.02.2022 | 18:58
Ուկրաինայի նախագահ Վլադիմիր Զելենսկին շաբաթ օրը՝ փետրվարի 26-ին, հայտարարել է, որ Թուրքիայի նախագահ Ռեջեփ Թայիփ Էրդողանի հետ քննարկել է դեպի Սև ծով ռուսական ռազմանավերի անցումը փակելու հարցը։
«Շնորհակալ եմ իմ ընկերոջը՝ պարոն նախագահ Էրդողանին և թուրք ժողովրդին՝ նրանց հզոր աջակցության համար: Ռուսական ռազմանավերի անցման արգելքը դեպի Սև ծով և նշանակալի ռազմական, հումանիտար օգնությունը Ուկրաինային այսօր չափազանց կարևոր են: Ուկրաինայի ժողովուրդը երբեք սա չի մոռանա»,- Twitter-ում գրել է Զելենսկին։
Ավելի վաղ տեղեկացրել էինք, որ Թուրքիայի և Ուկրաինայի նախագահներ Ռեջեփ Էրդողանը և Վլադիմիր Զելենսկին այսօր՝ փետրվարի 26-ին, հեռախոսազրույց են ունեցել, որի ընթացքում քննարկել են Ուկրաինայում տեղի ունեցած վերջին իրադարձությունները:
Հիշեցնենք, որ փետրվարի 24-ին ռուսական ներխուժման մեկնարկից անմիջապես հետո Ուկրաինան խնդրել է Թուրքիային փակել Բոսֆորի և Դարդանելի նեղուցները Ռուսաստանի համար։
Տաթև Ֆռանգյան
