«Փակված թատրոնը երկրի օրին է». մի շարք մասնագետներ դեռ աշխատանք են փնտրում. ՏԵՍԱՆՅՈՒԹ

Լուրեր

17.11.2026 | 09:33
ՀՀ տարածքում ավտոճանապարհները հիմնականում անցանելի են
16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
Բոլորը

Հայաստանի կառավարության 2021 թվականի սեպտեմբերի 8-ի որոշման համաձայն` Պետական կամերային երաժշտական թատրոնը վերակազմակերպվեց և միացավ Հակոբ Պարոնյանի անվան երաժշտական կոմեդիայի պետական թատրոնին: Թատրոնի շենքի տարածքը փոխանցվեց սիմֆոնիկ նվագախմբին` որպես փորձասենյակ: Եվ չնայած բոլոր հավաստիացումներին, թե թատրոնի անձնակազմի բոլոր անդամների համար էլ աշխատանք կճարվի` Factor TV-ն պարզել է, որ, այնուամենայնիվ, դեռ կան մարդիկ, որոնք ամիսներ անց էլ աշխատանք չունեն:

«Անցած տարվա դեկտեմբերին Պարոնյան թատրոնից ծանուցում ստացա այն մասին, որ իմ զբաղեցրած պաշտոնը լուծարվում է, և իրենք չեն կարող առաջարկել համապատասխան աշխատանք»,-պատմում է Կամերային երաժշտական թատրոնի նախկին ավագ հնչյունային օպերատոր Էդվարդ Պետրոսյանը։

Կամերային երաժշտական թատրոնի նախկին դիմահարդար, գրաֆիկ դիզայներ Լուսյա Մանուկյանն էլ ասում է, որ իրենով ոչ ոք չի հետաքրքրվել, չի աջակցել աշխատանք գտնել․

«Մենք արդեն մոռացվել ենք, կարծես Կամերային երաժշտական թատրոն չի էլ եղել․․․»։

Կամերային երաժշտական թատրոնի նախկին լուսային օպերատոր Ժաննա Պետրոսյանն էլ նկատում է․ «Թատրոնի վիճակը նման է երկրի վիճակին։ Մարդն այստեղ ոչ ոք է․ եթե կրճատվում ես, ոչ ոք այլևս քո հետևից չի գալիս, դու պետք է աշխատանք գտնես»։

Պետական կամերային երաժշտական թատրոնն ունեցել է 67 հաստիք. 60 աշխատակից տեղավորվել է Պարոնյան, Համազգային, Տիկնիկային, Գոյ, Խամաճիկների և այլ թատրոններում, 1-ը տնօրենի ժամանակավոր պաշտոնակատարն էր, իսկ մնացած 6-ը դեռևս փնտրտուքների մեջ են:

Հակոբ Պարոնյանի անվան երաժշտական կոմեդիայի պետական թատրոնի տնօրեն Կարո Շահբազյանն էլ հակադարձում է` բերելով համագործակցության և կոլեկտիվների` միմյանց հետ ձուլվելու իրենց հաջողված փորձը: Նա հավաստիացրեց, որ իրենք թատրոնի անձնակազմից յուրաքանչյուրին ցուցաբերել են անհատական մոտեցում, և արել ու անելու են հնարավորը, որպեսզի ոչ ոք առանց աշխատանքի չմնա:

Քանի որ Կամերային երաժշտական թատրոնի շենքի տարածքը փոխանցվեց սիմֆոնիկ նվագախմբին` որպես փորձասենյակ, Factor TV-ն Հայաստանի պետական սիմֆոնիկ նվագախմբի աշխատակազմից հետաքրքրվեց` այս պահի դրությամբ ի՞նչ պլաններ կան շենքի հետ կապված, արդյոք նախատեսվու՞մ են վերանորոգման աշխատանքներ, ե՞րբ շենքը պատրաստ կլինի վերջնական շահագործման համար: Նվագախմբի մամուլի քարտուղար Լիլիթ Գրիգորյանը տեղեկացրեց, որ Հայաստանի պետական սիմֆոնիկ նվագախումբը Պռոշյան փողոց 1-ին փակուղի N 1 հասցեում գտնվող շենքի նկատմամբ իրավունքների պետական գրանցման վկայականն ստացել է այս տարվա հունվարի 26-ին.

«Կառավարության հետ ընթանում են քննարկումներ հատկացված շենքի վերանորոգման և նվագախմբի փորձերի իրականացման համար անհրաժեշտ պայմանները ստեղծելու վերաբերյալ: Այն պետք է ծառայի որպես լիարժեք մեծ փորձատեղ, պահեստ գործիքների համար և գրասենյակային տարածք: Այս պահին քննարկվում են թե´ նախագծանախահաշվային փաստաթղթերի պատրաստման և թե´ դրանց հիման վրա հետագայում շինարարության ու գույքային վերազինման հարցերը»,-ասված է պատասխանում:

Մանրամասները՝ տեսանյութում։

Աննա Բաբաջանյան