06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
ՈւԵՖԱ-ն խզում է «Գազպրոմի» հետ բազմամիլիոնանոց հովանավորչական պայմանագիրը
26.02.2022 | 19:47
Եվրոպական ֆուտբոլային ասոցիացիաների միությունը (ՈՒԵՖԱ) որոշում է կայացրել խզել ռուսական «Գազպրոմի» հետ հովանավորչական համաձայնագիրը:
Ինչպես հաղորդում է The Times պարբերականը, կազմակերպությունը պայմանագրի չեղարկման գործընթացը սկսել է դեռ փետրվարի 25-ի երեկոյան: Նման որոշման պատճառը ռուսական բանակի ներխուժումն է Ուկրաինայի տարածք։
Նշենք, որ «Գազպրոմը» ՈՒԵՖԱ-ի հովանավորն է 2012 թվականից։ Անցյալ տարվա մայիսին միությունը նոր եռամյա համաձայնագիր է կնքել ընկերության հետ 40 մլն եվրոյի չափով:
Այսպիսով, խզելով պայմանագիրը` ՈՒԵՖԱ-ն չի ստանա մոտ 100 մլն եվրո, սակայն կազմակերպությունում պատրաստ են գնալ այդ քայլին ՝ հաշվի առնելով Ուկրաինայի իրավիճակը:
Ավելի վաղ հաղորդվում էր, որ ՈՒԵՖԱ-ն Սանկտ Պետերբուրգից 2021/22 Չեմպիոնների լիգայի եզրափակիչը տեղափոխել է Փարիզ:
Հիշեցնենք՝ փետրվարի 24-ին ՌԴ նախագահ Վլադիմիր Պուտինը հայտարարեց Դոնբասում հատուկ ռազմական գործողություն սկսելու մասին։ Դրան հետևեցին նոր՝ խիստ պատժամիջոցների մասին Արևմուտքի հայտարարությունները։
