16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ուկրաինան դիմել է ՄԱԳԱՏԷ-ին՝ ՌԴ զորքերի կողմից Չեռնոբիլի ԱԷԿ-ը գրավելու պատճառով
Քաղաքականություն
26.02.2022 | 19:15
Ուկրաինայում միջազգային կազմակերպությունների մշտական առաքելությունը (Վիեննա) նամակ է հղել Ատոմային էներգիայի միջազգային գործակալությանը (ՄԱԳԱՏԷ)՝ խնդրելով վերահսկել ռուսական զորքերի գործողությունները Չեռնոբիլի ատոմակայանում, հայտնում է korespondent-ը։
Ուկրաինական կողմը ՄԱԳԱՏԷ-ին տեղեկացրել է փետրվարի 24-ին ռուսական զորքերի կողմից Չեռնոբիլի ատոմակայանի գրավման մասին, ինչի արդյունքում Ուկրաինայի միջուկային օբյեկտները հայտնվել են ամենաբարձր ռիսկային գոտում։
Այս կապակցությամբ Կիևը կազմակերպությանը կոչ է արել ստեղծել հատուկ աշխատանքային խումբ՝ Չեռնոբիլի ատոմակայանում Ռուսաստանի Դաշնության գործողությունները վերահսկելու համար, որոնք «հիմք են տալիս կասկածի տակ դնել անվտանգության գործող ռեժիմների արդյունավետությունը»։
Բացի այդ, Ուկրաինան խնդրում է բարձրացնել Ռուսաստանում մշակված տեխնոլոգիաներով նոր ատոմակայանների կառուցման նկատմամբ պատժամիջոցների կիրառման հարցը, ինչպես նաև իր տրամադրության տակ գտնվող միջուկային նյութերի միջազգային աուդիտ անցկացնել։
Տաթև Ֆռանգյան
