08.06.2026 | 15:08
Քրեական վարույթ է նախաձեռնվել Լիճքի համայնքապետի և նրա հարազատների մասնակցությամբ միջադեպի առնչությամբ
Աշխարհը Ռուսաստանին և Բելառուսին պատասխանատվության կենթարկի․ Ստոլտենբերգ
Քաղաքականություն
25.02.2022 | 23:33
Ռուսաստանը «խախտել է խաղաղությունը Եվրոպայում»։ Այս մասին Բրյուսելում ՆԱՏՕ-ի ներկայացուցիչների հետ հանդիպումից հետո հայտարարել է դաշինքի ղեկավար Յենս Ստոլտենբերգը, որի խոսքերն է մեջբերում BBC-ն։։
«Մեր մտքերը զոհվածների, վիրավորների և տեղահանվածների հետ են»,-ասել է Ստոլտենբերգը:
Վերջինս կոչ է արել Ռուսաստանին անհապաղ դադարեցնել հարձակումը, դուրս բերել ուժերն Ուկրաինայից և վերսկսել խաղաղ երկխոսության գործընթացը։
«Այս ճգնաժամն ազդում է բոլորիս վրա։ Արևմտյան առաջնորդները պետք է պատրաստ լինեն ավելիին, նույնիսկ եթե դրա համար մենք պետք է գին վճարենք, քանի որ մենք դրա մեջ ենք երկար ժամանակ,-ասել է Ստոլտենբերգն ու ավելացրել,-Աշխարհը Ռուսաստանին և Բելառուսին պատասխանատվության կենթարկի իրենց գործողությունների համար. Ռուսաստանին՝ որպես ագրեսորի, Բելառուսին՝ որպես դրան նպաստողի»:
