16.09.2026 | 17:30
«Տգետ» vs «նիկոլական»․ լավ սովորելն ու լավ ապրելը հոմանի՞շ են․ ՏԵՍԱՆՅՈՒԹ
ԵԱՀԿ անձնակազմը ժամանակավորապես կտարհանվի Ուկրաինայից
Քաղաքականություն
24.02.2022 | 23:33
Ուկրաինայում շարունակվող մարտերի պատճառով և անվտանգության նկատառումներից ելնելով՝ ԵԱՀԿ-ն որոշել է Ուկրաինայից ժամանակավորապես տարհանել միջազգային առաքելության բոլոր անդամներին։ Այս մասին ասվում է ԵԱՀԿ գլխավոր քարտուղար Հելգա Շմիդտի հայտարարությունում։
«ԵԱՀԿ անձնակազմի նվիրվածությունն ու խիզախությունը գովելի են։ ԵԱՀԿ-ն անհապաղ Հատուկ դիտորդական առաքելություն (SMM) ստեղծեց 2014 թվականին, և այս առաքելության նվիրյալ տղամարդիկ և կանայք եղել են մեր անաչառ աչքերն ու ականջները երկրի ամբողջ տարածքում: Ուկրաինայում մեր Ծրագրի համակարգողը ջանասիրաբար աշխատել է 1999 թվականից՝ օգնելով Ուկրաինային բարձրացնել իր անվտանգությունը և զարգացնել իր օրենսդրությունը, ինստիտուտները և գործելակերպը՝ ժողովրդավարական չափանիշներին համապատասխան:
Մենք անհամբեր սպասում ենք մեր առաքելությունների վերսկսմանը, երբ հանգամանքները թույլ տան: Մեր անձնակազմի տարհանումը կիրականացվի հնարավորինս շուտ՝ կախված տեղում առկա համապատասխան գործոններից:
Այս որոշումը հեշտ չի ընդունվել, և նախատեսվում է ժամանակավոր տարհանում։ Նվիրված կանանց և տղամարդկանց անվտանգությունը, ովքեր ծառայում են որպես միջազգային հանրության անաչառ աչքեր և ականջներ երկրի տարածքում, հրամայական է»,- մասնավորապես ասված է հայտարարությունում:
