10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Եթե գյուղացիներին չօգնենք՝ կեսը կեթա ռուսաստաններ. Սեյրան Սարոյանը՝ վարչապետին
Քաղաքականություն
21.06.2017 | 11:32
Խորհրդարանում քննարկվում է Կառավարության ծրագիրը․ մտքերի փոխանակման ժամանակ վարչապետին հարցադրմամբ դիմեց ԱԺ ՀՀԿ խմբակցության պատգամավոր Սեյրան Սարոյանը՝ անդրադառնալով օրեր առաջ տեղացած կարկուտին և արմավիրցիներին հասցված վնասներին։
«Մոտ 11 համայնքներն ուղղակի ավերվել են, յոթ գյուղ ամեն ինչից զրկվել ա, մենակ թե շուտ կարենանք օգնենք գյուղացուն, որ էս վիճակից հանենք, թե չէ դրա կեսը կեթա ռուսաստաններ։ էլ վկա էլ չկա, որ վարկ վերցնեն, մեկը մեկին պետք ա երաշխավորի որ վարկ վերցնեն»,- ասաց Սարոյանը՝ հավելելով, որ հակակարկտային կայանների աշխատանքը նման է «ավտոմատի փոխարեն պիստալետով կռիվ գնալուն»։
«Ինչքան ինֆարկտ եղավ գյուղում, գյուղատնտեսության նախարարն է պատասխանատու լինելու»,- ասաց Սարոյանը։ Վարչապետը պատասխանեց, որ երեկ գործադիրում այդ հարցով քննարկում է եղել աշխատանքի և սոցիալական հարցերի, գյուղատնտեսության նախարարի և ԿԲ նախագահի մասնակցությամբ և առաջիկա օրերին կներկայացնեն առաջարկվող տարբերակ:
«Կարծում եմ, որ այն առաջարկությունները, որ արել ենք ընդունելի կլինեն»,- ասաց նա՝ հավելելով, որ աղետների դեմ պայքարի համար Կառավարության առաջարկվող պիլոտային ծրագրով հակակարկտային «հրթիռային» համակարգ է լինելու, որի օգտակար գործողության գործակիցը շատ ավելի էֆեկտիվ է լինելու։
