08.08.2026 | 13:20
«Ծիրան» սուպերմարկետում հացի արտադրամասի գործունեությունը կասեցվել է՝ սանիտարական խախտումների պատճառով
ՀՀԿ խոսնակը դատապարտում է լրագրողների մասնագիտական գործունեության խոչընդոտումը
Քաղաքականություն
19.04.2018 | 22:20
«Խստագույնս դատապարտում եմ բոլոր լրատվամիջոցների նկատմամբ պրոֆեսիոնալ մասնագիտական գործունեության խոչընդոտները։ Տեղյակ ենք և՛ Factor.am-ի խմբագրի հետ կապված, տեղյակ ենք և՛ Տիրայր Մուրադյանի հետ կապված դեպքերից, ես՝ որպես ՀՀԿ կուսակցության խոսնակ, ցանկացած բռնություն դատապարտում եմ՝ լինի դա ուղղված լրագրողի նկատմամբ, քաղաքական իշխանության նկատմամբ, քաղաքական ընդդիմության նկատմամբ, մեր սիրելի քաղաքացիների նկատմամբ, և թե իրավապահ մարմինների ու ոստիկանության նկատմամբ»,- այսօր ՀՀԿ ԳՄ նիստի ավարտից հետո, լրագրողների հետ զրույցում ասաց ՀՀ ԱԺ փոխնախագահ Էդուարդ Շարմազանովը։
ՀՀԿ խոսնակը հանդես եկավ նաև կոչով․ «Մեր երկրում մենք թշնամիներ չունենք, բոլորը մեր եղբայրներն ու քույրերն են, նույնիսկ մեր միտինգներ անող գործընկերը, անկախ նրանից ինքը մեզ համարում է եղբայր, գործընկեր, թե հակառակորդ, մեզ համար եղբայր է, ընկեր, ու գործընկեր։ ՀՀ-ում անհրաժեշտ է, որպեսզի բոլոր կողմերն այս գործընթացում պահպանեն ժողովրդավարության կանոններ, օրինականություն, զսպվածություն ու հանդուրժողականություն»։
Մանամասները՝ տեսանյութում։
