08.06.2026 | 16:09
Բայրամովը Ստամբուլում հանդիպել է Ֆիդանին
Անգլիան վերացնում է COVID-19-ի վերջին սահմանափակումները
Քաղաքականություն
22.02.2022 | 22:20
Անգլիան պատրաստվում է վերացնել երկրի վերջին կորոնավիրուսային սահմանափակումները։ Խորհրդարանում ունեցած ելույթում այս մասին հայտնել է Մեծ Բրիտանիայի վարչապետ Բորիս Ջոնսոնը՝ հավելելով, որ դա տեղի կունենա փետրվարի 24-ին, գրում է DW-ի ռուսական ծառայությունը։
Բրիտանիայի կառավարության ղեկավարի հայտարարության մեջ նշվում է, որ այլևս կարիք չկա ինքնամեկուսացման անցնել կորոնավիրուսի դրական թեստի դեպքում, չեղարկվում են նաև ինքնամեկուսացման մեջ գտնվողներին օգնելու համար գոյություն ունեցող վճարումները։
Այնուամենայնիվ, մինչև ապրիլի 1-ը դեռ խորհուրդ է տրվում մնալ տանը, եթե SARS-CoV-2-ի թեստը դրական է։ Այս ժամկետից հետո անվճար թեստավորումը կչեղարկվի՝ դրա հսկայական ծախսերի պատճառով, սակայն նման հնարավորությունը կպահպանվի բնակչության հատկապես խոցելի խմբերի համար, հավելել է Ջոնսոնը։
Տաթև Ֆռանգյան
