Տեղի է ունեցել ՌԴ նախագահ Վլադիմիր Պուտինի հեռախոսազրույցը Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ, տեղեկացնում է Կրեմլի պաշտոնական կայքը:
Նշվում է, որ Պուտինը տեղեկացրել է ՌԴ անվտանգության խորհրդի նիստի արդյունքների մասին, որի ժամանակ քննարկվել է իրավիճակը Դոնեցկում և Լուգանսկում և ՌԴ պետդումայի կողմից դրանց անկախության հռչակման հարցը:
Պուտինը տեղեկացրել է, որ երկու ինքնահռչակ հանրապետությունների ղեկավարները դիմել են իրեն նման խնդրանքով, և հավելել, որ հաշվի առնելով այդ ամենը` ինքը պատրաստվում է համապատասխան հրամանագիր ստորագրել:
