03.03.2026 | 10:27
Ընկերության հաշվետարը հափշտակել է 20 մլն դրամ, կատարել փողերի լվացում․ ՔԿ
Ես բոլորի մարզպետն եմ՝ անկախ քաղաքական հայացքներից․ Նազելի Բաղդասարյան. ՏԵՍԱՆՅՈՒԹ
Քաղաքականություն
21.02.2022 | 18:42
Շիրակի մարզպետ Նազելի Բաղդասարյանն այսօր իր պաշտոնավարման 100 օրվա առթիվ հրավիրած մամուլի ասուլիսի ժամանակ անդրադարձավ խոշորացված համայնքների ընդդիմադիր հայացքներ ունեցող ղեկավարների հետ իր հարաբերություններին։ Նա նշեց, որ բոլորի հետ աշխատում է « ի նպաստ և ի շահ մարզի»։
«Համայնքապետը կարող է լինել ընդդիմադիր, համայնքը չի կարող լինել ընդդիմադիր։ Ես այժմ զբաղեցնելով ոչ թե քաղաքական, այլ վարչական պաշտոն՝ իմ մոտեցումներն ասել եմ, որ ես բոլորի մարզպետն եմ՝ անկախ քաղաքական հայացքներից»,-ասաց Նազելի Բաղդասարյանը։
Նշենք, որ Շիրակի մարզի երկու խոշորացված համայնքներում՝ Ամասիայում և Ախուրյանում պաշտոնավարում են ընդդիմադիր համայնքապետեր․ Ախուրյանի համայնքապետ էր ընտրվել դաշնակցական Արծրուն Իգիթյանը, իսկ Ամասիայինը՝ «Արփի Ամասիա» դաշինքի թեկնածու Ջեմմա Հարությունյանը։
Արմիկ Մովսիսյան
