16.04.2026 | 23:27
Ինչ իրավիճակ է Հայաստանի ճանապարհներին և Լարսում
Դոնբասի մասին լուրերից հետո ռուսական ֆինանսական շուկաներն և ռուբլին անկում են ապրել
Քաղաքականություն
21.02.2022 | 19:50
Երկուշաբթի Մոսկվայի բորսայում եվրոն ու դոլարն արագորեն ամրապնդել են դիրքերը։ Ռուսաստանի ֆոնդային շուկան փլուզվել է ավելի քան 8%-ով՝ Ուկրաինայի շուրջ ճգնաժամի մասին լուրերի հետևանքով։ Առավոտյան ֆոնդային շուկան աճել է, իսկ ռուբլին՝ ամրապնդվել, սակայն վերջին լուրերը փոխել են այս միտումը։ Մասնավորապես, լուրերը, որ Կրեմլը չի մեկնաբանում ինքնահռչակ ԴԺՀ-ին և ԼԺՀ-ին ռազմական օգնություն ցուցաբերելու հնարավորությունը, իսկ սահմանին, ինչպես պնդում են ռուս զինվորականները, սպանվել է հինգ դիվերսանտ, գրում է BBC-ի ռուսական ծառայությունը։
Դոնբասում իրավիճակի սրման ֆոնին արժեթղթերի շուկան անցել է կտրուկ անկման։ Ժամը 14:50-ի դրությամբ Մոսկվայի բորսայի ինդեքսը նվազել է 8,5%-ով և կազմել 3103,34 կետ, նշում է Forbes-ը։ РТС ինդեքսը նվազել է 10%-ով ՝ հասնելով 1251,61 կետի։ Մոսկվայի բորսայի ինդեքսը թարմացրել է իր նվազագույնը 2020 թվականի վերջից, մեկնաբանում է «ԲԿՍ էքսպրես»-ը։
Ռուսական բաժնետոմսերի անկումը երկուշաբթի առքուվաճառքի կեսին ակտիվացել է Դոնբասից ստացվող տեղեկությունների, մասնավորապես՝ նոր հրետակոծությունների մասին լուրերի ֆոնին, իր հերթին նշում է Ինտերֆաքսը։
Տաթև Ֆռանգյան
