06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Ուկրաինան հերքել է Ռոստովի մարզում սահմանապահ անցակետի ոչնչացման մասին ՌԴ-ի տեղեկությունները
Քաղաքականություն
21.02.2022 | 17:31
Ռուսական Անվտանգության դաշնային ծառայությունից հայտնել են, որ Ուկրաինայի տարածքից արձակված արկը հարվածել է Ռոստովի մարզում ԱԴԾ սահմանային ծառայության անցակետին, գրում է ՌԻԱ Նովոստին։
«Փետրվարի 21-ին ժամը 09:50-ին Ուկրաինայի տարածքից արձակված չպարզված արկն ամբողջությամբ ոչնչացրել է ռուս-ուկրաինական սահմանից մոտ 150 մետր հեռավորության վրա գտնվող սահմանապահ ծառայության կետը»,- ասվում է հաղորդագրության մեջ։
Ավելի ուշ Ուկրաինայի պետական սահմանային ծառայությունը հերքել է այս տեղեկությունները։
«Ռուսաստանի ԱԴԾ հայտարարությունը Ուկրաինայի տարածքից գնդակոծության մասին, որի արդյունքում ՌԴ սահմանապահների հերթապահության վայր է ոչնչացվել, սադրանք է։ Մասնավորապես, հստակ վայրը, որտեղ դա տեղի է ունեցել, չի նշվում, բացառությամբ Ռոստովի մարզում ռուս-ուկրաինական սահմանից 150 մետր հեռավորությունը։ Պետք է նշել, որ Ռոստովի մարզը սահմանակից է ինչպես Ուկրաինայի իշխանությունների կողմից վերահսկվող տարածքին՝ Լուգանսկի տարածաշրջանում, այնպես էլ ուկրաինայի կողմից չվերահսկվող տարածքներին, որի երկարությունը կազմում է ավելի քան 400 կմ»,- ասված է հաղորդագրության մեջ։
Ուկրաինական կողմը նաև նշում է, որ Պետական սահմանապահ ծառայության ստորաբաժանումները ՌԴ ԱԴԾ-ից տեղեկություն չեն ստացել ոչ ստանդարտ իրավիճակների մասին։
«Միևնույն ժամանակ, ռուսական ռեսուրսների վկայակոչած որոշ աղբյուրներ նշում են, որ կարելի է խոսել սահմանի այն հատվածի հարևանության մասին, որը գտնվում է Ուկրաինայի կողմից չվերահսկվող Ռոստովի մարզի Նեկլինովսկի շրջանում»,- հայտնել են Պետական սահմանապահ ծառայությունից։
Տաթև Ֆռանգյան
