14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
Էրդողանի խորհրդականի կարծիքով` Պուտինը ձգտում է վերագծել սահմանները
Քաղաքականություն
21.02.2022 | 13:33
Թուրքիայի նախագահի մամուլի խոսնակ ու գլխավոր խորհրդական Իբրահիմ Քալընը գերմանական Die Welt պարբերականին տված հարցազրույցում անդրադարձել է Ուկրաինայի շուրջ ստեղծված իրավիճակին։
Մասնավորապես, պատասխանելով հարցին, թե ինչ դիրք է զբաղեցնում Թուրքիան ուկրաինական ճգնաժամում, Քալընը հայտարարել է, որ 21-րդ դարը պետություններին կանգնեցրել է նոր բարդ խնդիրների առաջ, և նշել, որ սկզբունքները պետք է որոշվեն ժամանակաշրջանին համապատասխան։
Իբրահիմ Քալընը հայտարարել է, որ այս համատեքստում Մոսկվային լսելը հրամայական է, և որ Մոսկվայի դեմ պատժամիջոցները ոչ մի օգուտ չեն տա։
Ըստ Քալընի՝ անհրաժեշտ է լսել Ռուսաստանին և հասկանալ նրա ռազմավարական մտահոգությունները»։ «Պուտինը ձգտում է վերագծել սահմանները և նորացնել իր ռազմավարական դաշինքները Խորհրդային Միության փլուզումից 30 տարի անց»,- ասել է նա։
Խոսելով Ուկրաինային անօդաչու թռչող սարքերի վաճառքի ու ՆԱՏՕ-ի հետ հարաբերությունների մասին՝ Քալընն ասել է, որ Թուրքիան ՆԱՏՕ-ի կարևոր անդամ է։
«ՆԱՏՕ-ն ամենահաջող և ամենակարևոր ռազմական դաշինքն է, որը երբևէ տեսել է աշխարհը, և Թուրքիան ՆԱՏՕ-ի առանցքային անդամն է»,- նշել է նա՝ընդծելով, որ դա չի նշանակում, որ Թուրքիան չի համագործակցելու այլ դաշինքների հետ Կենտրոնական Ասիայում, Կովկասում, Մերձավոր Արևելքում ու Աֆրիկայում, ինչպես նաև չի փորձելու լավ հարաբերություններ պահպանել Ռուսաստանի ու Չինաստանի հետ։
Էմմա Չոբանյան
